Samfélagsmiðlar

Fjögurra ára bið eftir nýju flugstöðinni

Það voru blikur á lofti í Berlín í vor þegar stjórnendur nýja Brandenburg flugvallarins tilkynntu að þeir kynnu að taka hluta hans í notkun fljótlega. Þessum áformum hefur nú verið sópað út af borðinu.

Í dag lenda farþegar á leið til Berlínar á Schönefeld flugvelli í austurhlutanum eða Tegel. Og það fer ekki fram hjá þeim sem eiga leið um þessar flugstöðvar að þær eru báðar slitnir og of litlar. Upphaflega stóð til að þeim yrði lokað haustið 2010 þegar opna átti hinn glæsilega Brandenburg flugvöll í nágrenni við Schönefeld. Vígsla hans hefur hins vegar dregist og samkvæmt nýjustu fréttum er ekki von á því að hann verði tekinn í notkun fyrr en seint á næsta ári eða í byrjun 2015. Í maí viðraði hins vegar framkvæmdastjóri Brandenburg þá hugmynd að hleypa Easy Jet inn í flugstöðina í haust. Úr því verður ekki.

Fullbyggður en ófullkominn

Það kom ekki ljós fyrr en búið var að reisa nýju flugstöðina að hún var gölluð. Til dæmis er eldvarnarkerfi hennar ófullnægjandi. Kostnaðurinn við seinaganginn og breytingarnar eru gífurlegur og er talið að völlurinn muni kosta hátt í fimm milljarða evra þegar hann verður loksins klár. Það er um fjórum sinnum meira en upphaflega stóð til að verja í verkefnið.

Wow Air notast við Schönefeld í flugi sínu til Berlínar en þeir sem fljúga frá Keflavík til þýsku höfuðborgarinnar með Airberlin og Lufthansa lenda við Tegel. Þegar Brandenburg verður tekinn í notkun verður hann þriðji stærsti flugvöllur Þýskalands, í farþegum talið, á eftir Frankfurt og Munchen.

TILBOÐ Í BERLÍN: Viltu 5% afslátt eða frítt freyðivín?

Mynd: Brandenburg

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …