Samfélagsmiðlar

Norwegian fjölgar áfangastöðum í Bandaríkjunum

Norska flugfélagið boðar „lággjaldabyltingu“ í flugi milli Skandinavíu og Bandaríkjanna. Félagið ætlar að fljúga til Orlando frá og með vorinu og einnig til vesturstrandarinnar.

Vöxtur lággjaldaflugfélagsins Norwegian hefur verið hraður síðustu ár. Félagið er nú það næststærsta í Skandinavíu og farþegar þess verða um tuttugu milljónir í ár. Í maí hóf félagið að bjóða upp á áætlunarferðir til New York og Bangkok í Taílandi frá höfuðborgum Skandinavíu og brátt hefst flug til Ft. Lauderdale í Flórída.

Í morgun kynnti Bjørn Kjos, forstjóri og stofnandi Norwegian, næstu skref í stækkun félagsins. Los Angeles, Orlando og Oakland, í nágrenni við San Francisco, verða nýir áfangastaðir félagsins vestanhafs strax á næsta ári og í nánustu framtíð mun félagið fjölga ferðum til Asíu. Flug til S-Ameríku og S-Afríku kemur einnig til greina. Forstjórinn sagði að með nýjum og sparneyttum flugflota geti félagið boðið upp á ódýrari fargjöld en nú þekkjast milli Skandinavíu og Bandaríkjanna.

Aukin samkeppni fyrir íslensku félögin

Icelandair hefur um langt árabil flogið til Orlando en í janúar mun Norwegian hefja flug þangað frá Osló. Félagið flýgur einnig til Ft. Lauderdale frá Stokkhólmi og Kaupmannahöfn. Með fleiri ferðum Norwegian til Flórída er ljóst að Icelandair fær aukna samkeppni um farþega á milli „sólskinsfylkisins“ og Skandinavíu. Sömu sögu er að segja um ferðir til og frá New York því Norwegian ætlar að hefja flug þangað frá Kaupmannahöfn í lok febrúar. En eins og áður hefur komið fram áforma forsvarsmenn Wow Air að hefja flug til borgarinnar í vor.

Norwegian flýgur þrisvar í viku milli Keflavíkur og Oslóar.

Á morgun birtir Túristi viðtal við Bjørn Kjos, forstjóra Norwegian, þar sem hann segir m.a. álit sitt á Icelandair, Ameríkuflugi Wow Air og ræðir samkeppnina við Sterling flugfélagið í Danmörku sem var í eigu Íslendinga.

TILBOÐ: 15% afsláttur á góðu hóteli í Kaupmannahöfn
BÍLALEIGA: Rentalcars.com lofar lægsta verðinu

Mynd: Norwegian

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …