Samfélagsmiðlar

201 sæti í nýjum vélum Wow Air

Það eru 174 sæti í þotunum sem Wow Air notar í dag. Félagið hyggst taka í notkun stærri vélar á næsta ári og þá verður pláss fyrir mun fleiri farþega. Ekki er þó ákveðið hvort farþegarýminu verði skipt niður eftir fargjaldaflokkum.

Flugfloti Wow Air mun samanstanda af tveimur tegundum af Airbus vélum þegar félagið fær flugrekstrarleyfi og hefur áætlunarflug til Bandaríkjanna í vor. Í dag leigir Wow Air þotur af tegundinni Airbus A320 sem eru með 174 sæti. Fljótlega verður bætt við stærri vélum af gerðinni A321 samkvæmt því sem kemur fram í atvinnuauglýsingu fyrirtækisins í dag þar sem óskað er eftir flugmönnum.

Eitt farrými eða fleiri?

Það er venja meðal lággjaldaflugfélaga að bjóða aðeins upp á eitt farrými í vélum sínum og það hefur Wow Air einnig gert. Upplýsingafulltrúi fyrirtækisins segir að ekki hafi verið ákveðið hvort farþegarýminu verði skipt niður á næsta ári en ef það verður látið ógert verður pláss fyrir 201 sæti í stærri þotum Wow Air. Á heimasíðu Airbus segir að hægt sé að koma fyrir allt að 220 sætum í þessa tegund véla.

Samkvæmt því sem Túristi kemst næst eru vanalega 144 til 186 sæti í þeim vélum sem fljúga til og frá Íslandi. Flestar vélar Icelandair eru með 183 sæti en stærsta vél félagsins rúmar 216 farþega.

 

TILBOÐ: 15% afsláttur á góðu hóteli í Kaupmannahöfn
BÍLALEIGA: Smelltu til að gera verðsamanburð á bílaleigum út um allan heim

Mynd: Víkurfréttir

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …