Samfélagsmiðlar

Þau íslensku sein að tileinka sér símatæknina

Listinn yfir þau flugfélög sem bjóða upp á sérstök snjallsímaforrit lengist jafnt og þétt. Hvorki Icelandair né Wow Air eru með þess háttar þjónustu.

Um helmingur íslenskra símnotenda gengur um með snjallsíma í vasanum samkvæmt nýlegum könnunum. Það er því vafalítið margir hér á landi sem nota símann til að lesa fréttir, leita á netinu og jafnvel bóka ferðalög til útlanda. Samkvæmt athugun Túrista þá bjóða nær öll erlendu flugfélögin sem fljúga hingað upp á snjallsímaforrit þar sem fólk getur meðal annars bókað flug, innritað sig, fylgst með flugáætlun, vistað brottfararspjöld og fleira. Icelandair býður upp á samskonar þjónustu í gegnum farsímavefinn m.icelandair.is en sérstakt snjallsímaforrit er ekki boðstólum hjá félaginu.

Wow Air tók sitt „app“ úr umferð

Í ágúst í fyrra var fáanlegt snjallsímaforrit frá Wow Air en það var lagt niður eftir að félagið tók yfir flugáætlun Iceland Express. Samkvæmt upplýsingum frá Wow Air er enn unnið að verkefninu en ekki liggur hvenær þess háttar forrit verður fáanlegt á ný.

Hættir að rukka fyrir forritið

Þó það kosti töluvert að útbúa snjallsímaforrit þá hafa flugfélögin almennt ekki rukkað símnotendur fyrir að hlaða þeim niður. Forsvarsmenn Ryanair, stærsta lággjaldaflugfélags Evrópu, reyndu það hins vegar en gáfust upp á því nú í haust og fylgja nú fordæmi annarra flugfélaga. Er það liður í því að bæta ímynd fyrirtækisins og þjónustuna samkvæmt því sem haft hefur verið eftir stjórnendum Ryanair.

Keflavíkurflugvöllur setur sitt forrit á ís

Síðastliðið sumar stóð til að hleypa af stokkunum snjallsímaforriti á vegum Isavia, rekstraraðila Keflavíkurflugvallar. Úr því varð ekki og segir talsmaður félagsins að verið sé að meta þörfina fyrir þess háttar þjónustu.

BÍLALEIGA: Rentalscars.com lofar lægsta verðinu
TILBOÐ: 15% afsláttur á góðu hóteli í Kaupmannahöfn

Mynd: Easy Jet

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …