Samfélagsmiðlar

Ferðaminningar Jónínu Leósdóttur

Þykk súpa í Skotlandi og frekur íkorni í Cambridge er meðal þess sem Jónína Leósdóttir rithöfundur minnist úr ferðalögum sínum til útlanda. Bók Jónínu, Við Jóhanna, kom út í haust og hefur hún vakið mikla athygli.

Fyrsta ferðalagið til útlanda:

Ég steig í fyrsta sinn fæti á erlenda grund þegar ég var ellefu ára. Þetta var árið 1965 og þá var afar sjaldgæft að íslenskir krakkar færu til útlanda. En ég var óttalegur Lasarus svo einhleypar og barnlausar föðursystur mínar, buðu mér í heilsubótarferð á sólarströnd. Við millilentum í Prestwick í Skotlandi þar sem fríhafnarverslunin var lítið skatthol með hengilás. Síðan var flogið áfram til Kaupmannahafnar og þaðan til Spánar eftir að ég hafði fengið að heimsækja Tívolí og verið dressuð upp í Magasin. Á ströndinni var ég svo steikt hressilega í þrjár vikur, það átti að styrkja ónæmiskerfið.

Best heppnaða utanlandsferðin:

Ein utanlandsferð stendur upp úr. Það var þegar við Jóhanna, konan mín, dvöldum í Cambridge í heilan mánuð árið 2002. Við bjuggum í lítilli íbúð og deildum garði með frekum íkorna sem krafsaði í húsið og tætti í sig sólhúsgögn og þvottasnúrur ef honum fannst við of seinar með daglega hnetuskammtinn. Ég notaði morgnana til að skrifa og svo fórum við í langa göngutúra síðdegis en hvíldum okkur af og til á kaffihúsum og í bókabúðum. Himnaríki …

Verst heppnaða utanlandsferðin:

Eitt sinn vörðum við Jóhanna tveimur vikum í Vatnahéraðinu, The Lake District, norðarlega í Bretlandi en ég lá með flensu og bullandi hita í tíu daga og sá því lítið af náttúrufegurðinni þarna. Við gistum í Glasgow á heimleiðinni og þar á hótelinu fékk ég versta mígrenikast ævi minnar. Ömurlegt frí.

Besta máltíðin í útlöndum:

Ég er dálítið skrýtin í matarmálum, grænmetisæta með fæðuóþol. Bestu máltíðina í útlöndum fékk ég í Skotlandi og hún samanstóð af þykkri súpu úr grænum baunum og myntu, ásamt grófu brauði með osti úr ógerilsneyddri mjólk.

Tek alltaf með mér í ferðalagið:

Ég fer ekki út fyrir Elliðaár, hvað þá lengra, án lyfjanna minna (við ofnæmi, mígreni ofl.) og stækkunarspegils.

Draumafríið:

Mig dreymir um að komast í frí til útlanda án þess að þurfa að fljúga eða sigla.

TILBOÐ: 15% afsláttur af gistingu í Kaupmannahöfn
BÍLALEIGUBÍLL: Rentalcars lofar lægsta verðinu

Myndir: Forlagið

 

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …