Samfélagsmiðlar

40 flug í viku til London utan háannatíma

Enn aukast flugsamgöngur milli Keflavíkur og flugvallanna í nágrenni við höfuðborg Bretlands. Fargjöld hafa lækkað á þessari leið.

Það verður flogið að jafnaði nærri sex sinnum á dag til London frá Keflavíkurflugvelli í febrúar og mars. Easy Jet og Icelandair fjölga þá ferðum sínum tímabundið þó þessir tveir mánuðir séu með þeim slökustu þegar litið er til farþegafjölda á Keflavíkurflugvelli. Febrúar er einnig sá mánuður sem fæstir Íslendingar ferðast til útlanda í samkvæmt talningu Ferðamálastofu.

Breskum ferðamönnum hér á landi fjölgaði hins vegar um helming þessa tvo mánuði í fyrra í samanburði við sama tímabil árið 2012.

Gera tilraun á daglegu flugi hingað

Framboð á flugi milli Íslands og London hefur rúmlega tvöfaldast síðan árið 2012 þegar vikulegar ferðir voru nítján. Í næsta mánuði mun Icelandair til dæmis bjóða upp á tuttugu ferðir í viku til flugvallanna við Heathrow og Gatwick. Wow Air flýgur til þess síðarnefnda tvisvar alla daga nema laugardaga þegar aðeins morgunflug er í boði. Í næsta mánuði fjölgar Easy Jet svo vikulegum ferðum sínum í sjö. Samkvæmt upplýsingum frá félaginu er í skoðun að bjóða upp á daglegt flug til Lundúna frá Íslandi til frambúðar og verða gerða tilraunir til þess í febrúar og mars en síðan verða ferðirnar sex talsins. „En það mun ráðast af tilrauninni núna og eftirspurninni í sumar hvort farið verður þá aftur í daglegt flug til Lundúna næsta vetur og framvegis upp frá því“, segir í svari félagins við fyrirspurn Túrista.

Lægri fargjöld en í fyrra

Samkvæmt verðkönnun Túrista í síðustu viku kostar minna að fljúga til London í mars (viku 12) næstkomandi en það kostaði á sama tíma í fyrra. Lægstu fargjöld félaganna þriggja lækkuðu í öllum tilfellum en mest hjá Easy Jet.

LONDON-HÓTEL: Gerðu verðsamanburð á hótelum í London
NÝJAR GREINAR: Ferðaljósmyndir ársins – vinningshafar

Mynd: Visit London

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …