Samfélagsmiðlar

Tekur ekki undir gagnrýni á Isavia

Fyrrum forstjóri Iceland Express undrar sig á deilunni sem komin er upp um flugtíma á Keflavíkurflugvelli. Norsk yfirvöld, öfugt við íslensk, töldu sig ekki geta úrskurðað í samskonar máli á sínum tíma.

Skarphéðinn Berg Steinarsson, fyrrum forstjóri Iceland Express, segir það ekki sína reynslu að starfsmenn Isavia standi vörð um hag Icelandair. En í tilkynningu frá Wow Air í fyrradag sakar Skúli Mogensen, forstjóri Wow Air, rekstraraðila Keflavíkurflugvallar um „vernda hagsmuni og einokun Icelandair“. Vísar hann þar til áfrýjunar Isavia á úrskurði Samkeppniseftirlitsins sem fór fram á að Wow Air fengi afgreiðslutíma á vellinum til að hefja flug til Bandaríkjanna. Áfrýjunarnefnd samkeppnismála er nú með málið á sinni könnu og hefur nefndin frestað réttaráhrifum ákvörðunar Samkeppniseftirlitsins. Það hefur sett Ameríkuflug Wow Air í uppnám samkvæmt forsvarsmönnum fyrirtækisins.

Í morgunútvarpi Rásar 2 í gær hélt Skúli Mogensen því fram að ESA, eftirlitsstofnun EFTA, hefði komist að þeirri niðurstöðu að yfirvöld hefðu leyfi til að úthluta flugtímum til nýrra flugfélaga til að tryggja samkeppni. Samkvæmt þeim upplýsingum sem Túristi fékk hjá ESA þá hefur samkonar mál ekki komið á borð stofnunarinnar.

Fengu sömu tíma og Iceland Express

Wow Air óskaði eftir brottfarartíma fyrir flug til Boston klukkan 16:40 en fékk klukkan 17:50. Það er sami tími og Iceland Express hafði fyrir flug til Boston og New York árið 2011. Skarphéðinn Berg Steinarsson segir að þessir flugtímar hafi ekki reynst Iceland Express erfiðir. Hann segir að ákveðið samhengi verði að vera í flugáætluninni og Iceland Express flutti því morgunflug sín til Evrópu frá sjö að morgni til klukkan hálf níu þegar félagið hóf flug til N-Ameríku. Wow Air yrði að gera samskonar breytingar miðað við núverandi stöðu. Skarphéðinn segir að þessar breytingar á flugtímum hafi verið gerðar í samstarfi við Icelandair og Isavia á sínum tíma, t.a.m. hafi Icelandair flýtt sínum ferðum. Hann undrar sig á að þessi aðilar geti ekki fundið lausn á þessu máli núna.

Norsk yfirvöld ekki sammála

Fyrir um áratug síðan kom upp álíka deila milli Norwegian, SAS og norskra flugmálayfirvalda um afgreiðslutíma á norskum flugvöllum. Fred Andreas Wister sér um að samræma flugtíma í Noregi og hann segir í samtali við Túrista að yfirvöld þar hafi komist að þeirri niðurstöðu að þau gætu ekki beitt sér í málinu því úthlutun tíma væri hluti að evrópskum reglum. En EES-réttur vegur þyngra en innlendar reglugerðir. Norwegian þurfti því að fara á biðlista í einhverjum tilvikum en annars nota þá tíma sem í boði voru. Síðan þá hefur Norwegian vaxið hratt og er nú þriðja stærsta lággjaldaflugfélag Evrópu.

TILBOÐ: 25% AFSLÁTTUR Í LONDONÞRIÐJA NÓTTIN FRÍ Í EDINBORG
VINSÆLT: ER ÓDÝRARA AÐ LEIGJA BÍL MEÐ 3JA MÁNAÐA EÐA 3JA VIKNA FYRIRVARA?

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …