Samfélagsmiðlar

Vannýtt tækifæri í Flugstöð Leifs Eiríkssonar

Af þeim sautján flugfélögum sem bjóða upp á áætlunarferðir til og frá Keflavíkurflugvelli þá eru aðeins tvö sem gera farþegunum kleift að innrita sig sjálfa í flugstöðinni. Þessu er öfugt farið á flugvöllum nágrannaþjóðanna þó forsvarsmenn Isavia leggi áherslu á að sem flestir flugrekendur nýti sér tæknina til að bæta afköstin.

Bróðurpartur flugfélaganna sem fljúga til Kastrup hefur tengst sjálfsafgreiðslustöðvum Kaupmannahafnarflugvallar og stór meirihluti farþeganna innrita sig sjálfir í flug samkvæmt upplýsingum frá danska flugvellinum.

Í Flugstöð Leifs Eiríkssonar er staðan önnur því aðeins Delta og Icelandair nýta sjálfsagreiðslustöðvar í brottfararsalnum. Friðþór Eydal, upplýsingafulltrúi Isavia, segir að önnur félög kjósi að bjóða ekki slíka þjónustu þrátt fyrir ábendingar þar um. „Isavia telur að sjálfsinnritun veiti skilvirkari og betri þjónustu auk þess að bæta afköst flugstöðvarinnar og leggur áherslu á að sem flestir flugrekendur nýti sér þennan valkost líkt og raunin er víða erlendis, t.d. í Kaupamannahöfn,“ segir Friðþór og bætir því við að Isavia taki ekki gjald fyrir notkunina.

Hafa ber í huga að Icelandair stendur fyrir miklum meirihluta ferða til og frá landinu og þorra farþega í Kefavík stendur því þjónustan til boða. Samkvæmt upplýsingum frá Icelandair nýtir meira en helmingur farþega sér sjálfsafgreiðslustöðvar eða netsíðu félagsins til að tékka sig inn.

Lögðu niður innritunarborðin

Þeir sem fljúga með Easy Jet eiga að innrita sig á netinu og prenta út brottfararspjöld áður en þeir mæta út á flugvöll. Félagið hætti í vor að innrita við afgreiðsluborð og farþegarnir verða því allir með tölu að tékka sig inn á netinu og prenta út brottfararspjöld að lágmarki tveimur tímum fyrir brottför.

Wow Air hefur hingað til aðeins boðið upp á innritun við afgreiðsluborð en Svanhvít Friðriksdóttir, upplýsingafulltrúi Wow Air, segir að búist sé við því að farþegar félagsins geti nýtt sér sjálfsafgreiðsluna í Keflavík síðar á þessu ári.

TILBOÐ: 25% AFSLÁTTUR Í LONDONÞRIÐJA NÓTTIN FRÍ Í EDINBORG
NÝJAR GREINAR: 10 ráð fyrir flughrædda

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …