Samfélagsmiðlar

Wow Air nálgast Iceland Express

Farþegum Wow Air fjölgar hratt og ef áætlanir forsvarsmanna félagsins ganga eftir verður félagið stærra í ár en Iceland Express náði að verða þegar umsvif þess voru hvað mest.

Það flugu 112.223 farþegar með Wow Air á fyrsta starfsári félagsins í hittifyrra samkvæmt tilkynningu frá félaginu í gær. Áður hafði komið fram á mbl.is að farþegar hafi verið 90 þúsund á þessu fyrsta ári. Jómfrúarflug Wow Air var farið í byrjun sumars 2012 og það hafa því um 16 þúsund farþegar á mánuði flogið með félaginu í hittifyrra. Farþegafjöldinn rúmlega tvöfaldaðist í fyrra því þá fóru 412.583 farþegar með félaginu eða rúmlega 34 þúsund á mánuði. Samkvæmt upplýsingum frá Svanhvíti Friðriksdóttur, upplýsingafulltrúa Wow Air, eru farþegar í leiguflugi með í þessum tölum. Forsvarsmenn Wow Air höfðu ráðgert að farþegar yrðu 450.000 í ár eins og kom m.a. fram á Vísir.is.

Um hálf milljón farþega

Árið 2011 hélt Iceland Express úti flugi til N-Ameríku og fór til að mynda 618 ferðir í júlí það ár samkvæmt talningu Túrista. Þá kom fram í fréttatilkynningu að 359.933 farþegar hafi farið með félaginu á fyrstu átta mánuðum ársins, eða um 45 þúsund á mánuði. Matthías Imsland, þáverandi forstjóra félagins, sagði í viðtali við Viðskiptablaðið skömmu áður að gert væri ráð fyrir að farþegar yrðu hálf milljón talsins árið 2011. Ekki liggja þó fyrir neinar upplýsingar um uppgjör á farþegafjölda Iceland Express það ár en í frétt Rúv um kaup Wow Air á rekstri Iceland Express segir að farþegar þess síðarnefnda hafi verið tæplega hálf milljón árið 2011.

Fram úr á þessu ári

Haft hefur verið eftir Skúla Mogensen, forstjóra Wow Air, að í ár sé gert ráð fyrir að farþegar félagsins verði 600 til 720 þúsund talsins. Gangi það eftir verður félagið mun umsvifameira, í farþegum talið, en Iceland Express var á sínum tíma.

TENGDAR GREINAR: Wow Air fær leyfi til að fljúga til Bandaríkjanna
VINSÆLT: Svona borgar þú minna fyrir bílaleigubíl

Mynd: Wow Air

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …