Samfélagsmiðlar

Icelandair hefur styrkt stöðu sína í Kaupmannahafnarflugi

Fyrir tíu árum síðan flaug rúmur helmingur þeirra sem átti leið milli Keflavíkur og Kastrup með Icelandair en aðrir með Iceland Express. Nú er skiptingin milli flugfélaga gjörbreytt. Stærsta lággjaldaflugfélag Skandinavíu ætlar ekki að blanda sér í slaginn um farþega á þessari leið.

Það fóru tæplega 398 þúsund flugfarþegar milli Kaupmannahafnar og Keflavíkur á síðasta ári. Farþegafjöldinn hefur aukist jafnt og þétt síðustu ár en ennþá er langt í að metið frá árinu 2007 verði slegið. Þá fóru 466 þúsund farþegar þessa leið samkvæmt tölum Samgöngustofnunar Danmerkur.

Inn í þessum tölum eru einnig farþegar Icelandair sem aðeins millilenda í Keflavík á leið milli meginlands Evrópu og N-Ameríku.

Þrír af fjórum með Icelandair

Að því kemur fram nýlegri skýrslu Samkeppniseftirlitsins var markaðshlutdeild Icelandair í flugi til og frá Kaupmannahöfn 55 til 60 prósent árið 2004. Félagið var þá í samkeppni við Iceland Express á þessari flugleið. Það ár var farþegafjöldinn jafn mikill og hann var í fyrra en skipting farþega á milli flugfélaga hefur gjörbreyst. Því samkvæmt upplýsingum Túrista frá Kaupmannahafnarflugvelli flugu tæplega 295 þúsund farþegar með Icelandair til og frá Kastrup í fyrra sem þýðir að félagið hafði 74 prósent markaðshlutdeild á þessari flugleið. Það er álíka mikið og árið 2012 eins og greint var frá hér á síðunni. Auk Icelandair býður Wow Air upp á áætlunarflug til Kaupmannahafnar en félagið mun fækka ferðum sínum í sumar og verða þær sjö í viku en voru allt að tíu í viku í fyrra. Primera Air flýgur óreglulega á þessari leið.

Ekki liggja fyrir aðrar opinberar upplýsingar um hvernig farþegar hafa dreifst milli flugfélaga á þessari flugleið síðan Iceland Express hóf starfsemi árið 2002 og veitti þá Icelandair samkeppni í Kaupmannahafnarflugi.

Ætla ekki í slaginn

Á síðasta ári var Icelandair tólfta umsvifamesta flugfélagið á Kaupmannahafnarflugvelli. Lággjaldaflugfélagið Norwegian var hins vegar í öðru sæti á eftir SAS. Forsvarsmenn norska félagsins sóttu um afgreiðslutíma á Keflavíkurflugvelli fyrir flug til Kaupmannahafnar í sumar. En eins og Túristi greindi frá nýverið verður ekkert úr þeim áformum.

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
GISTING: GERÐU VERÐSAMANBURÐ Á HÓTELUM

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …