Langflest millilandaflug fóru á réttum tíma í febrúar en þó þurftu sumir farþegar að sætta sig við nokkurra klukkutíma töf.
Rúmlega níu af hverjum tíu ferðum umsvifamestu flugfélaganna á Keflavíkurflugvelli voru áætlun í síðasta mánuði. Hjá Easy Jet og Wow Air komu og fóru vélarnar í 96 prósent tilvika á auglýstum tíma en hjá Icelandair var hlutfallið 89 prósent.
Meðaltöfin var mest hjá Wow Air og spilar þar inn í langar tafir á tveimur brottförum félagsins frá Keflavík. Einni heimferð Icelandair seinkaði líka um nokkra klukkutíma og stóðust komutímar félagins ekki eins oft og brottfarartímarnir eins og sjá má á töflunni hér fyrir neðan.
Í febrúar voru oftast flogið til Lundúna en þar á eftir til Kaupmannahafnar og Oslóar.
Stundvísitölur Túrista – febrúar 2014
| 1.-28.febrúar | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
| Icelandair | 93% | 1 mín | 85% | 4 mín | 89% | 2 mín | 854 |
| Wow Air | 96% | 11 mín | 96% | 3 mín | 96% | 7 mín | 199 |
| Easy Jet | 95% | 1 mín | 96% | 1 mín | 96% | 1 mín | 112 |
Um útreikningana: Daglega reiknar Túristi út hversu mikill munur er á áætluðum komu- og brottfarartímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um minna en korter telst vera innan skekkjumarka í fluggeiranum þá eru 14 mínútur dregnar frá öllum seinkunum sem eru lengri en 15 mínútur. Flug sem tefjast um minna en stundarfjórðung teljast vera á áætlun.
VINSÆLT: Svona borgar þú minna fyrir bílaleigubíl
HÓTEL: Gerðu verðsamanburð á gistingu og bókaðu besta kostinn
TILBOÐ: 3ja nóttin frí í Edinborg
Mynd: Gilderic/Creative Commons
