Samfélagsmiðlar

Flugmenn Greenland Express komust ekki til Keflavíkurflugvallar

Verkfall flugvirkja Icelandair hafði ekki aðeins áhrif á flugáætlun vinnuveitenda þeirra heldur seinkaði líka jómfrúarferð nýs flugfélags um nærri sólarhring.

Í gærmorgun tók vél merkt Greenland Express á loft frá flugvellinum í Álaborg í Danmörku og hélt áleiðis til Kaupmannahafnar. Frá Kastrup var stefnan sett á Keflavík og þaðan áfram til Narsarsuaq. Þegar vélin lenti í Keflavík á ný eftir ferðina yfir til Grænlands stóð til að skipta um áhöfn og halda fluginu áfram til Danmerkur.

Ekkert varð úr því þar sem ný áhöfn félagsins hafði ekki skilað sér til Íslands í tæka tíð og sú gamla mátti ekki halda áfram vegna ákvæða um hvíldartíma. Þeir ellefu farþegar sem voru um borð í vélinni urðu því að gista í nótt á Hótel Keflavík og áformað er að halda ferðinni áfram nú í morgunsárið.

Í viðtali við danska ferðaritið Checkin.dk segir framkvæmdastjóri Greenland Express að afleysingafólkið hafi ekki komist til Íslands á réttum tíma þar sem flug þeirra með Icelandair á mánudag var fellt niður vegna verkfalls.

Fáir farþegar

Eins og áður segir voru aðeins ellefu farþegar í vél Greenland Express á leið frá Grænlandi til Danmerkur með viðkomu á Íslandi. Upphaflega stóð til að félagið myndi fljúga daglega milli landanna þriggja frá og með byrjun júnímánaðar en vegna lítillar eftirspurnar voru fyrstu ferðirnar felldar niður. Frá og með 1. júlí stendur hins vegar til að fljúga samkvæmt áætlun. Samkvæmt frétt Akv.is þá mun Greenland Express einnig bjóða upp á flug milli Akureyrar og Danmerkur.

Uppfært: Í upphaflegri útgáfu var því haldið fram að Eyjaflug væri meðal eigenda Greenland Express en svo mun ekki vera.

Skrifstofa Greenland Express er í Reykjavík.

SÓLARLANDAFERÐIR Á AFSLÆTTI


VINSÆLT: Svona borgar þú miklu minna fyrir bílaleigubíl
HÓTEL: Gerðu verðsamanburð á gistingu út um allan heim

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …