Samfélagsmiðlar

Meira en þúsund ferðir til útlanda í maí

Umferð um Keflavíkurflugvöll var miklu meiri í maí en á sama tíma í fyrra. Sumarflug nokkurra erlendra flugfélaga er hafið og þau íslensku hafa fjölgað ferðum sínum.

Í maí í fyrra voru að meðaltali farnar tuttugu og sjö áætlunarferðir á dag frá Keflavík. Í síðasta mánuði fjölgaði daglegum brottförum hins vegar upp í þrjátíu og fjórar að jafnaði og voru þær samtals 1055. Skiptust þær á milli tólf flugfélaga en leiguflug á vegum ferðaskrifstofa er ekki inni í þessum tölum.

Verkfallið setti strik í reikninginn

Sem fyrr stendur Icelandair undir bróðurpartinum af ferðunum eða rúmlega sjö af hverjum tíu. Hlutdeild félagsins var 79 prósent í maí í fyrra og hefur því lækkað um tíund á milli ára. Þó ber að hafa í huga að vegna verkfalls flugmanna Icelandair var fjöldi ferða felldur niður og það hefur áhrif á hlut félagsins. WOW air hefur hins vegar nærri tvöfaldað umsvif sín frá því í maí á síðasta ári.

Vægi flugfélaganna í maí 2014:

  1. Icelandair: 72,5%
  2. Wow Air: 12,3%
  3. Easy Jet: 6,3%
  4. SAS: 2,9%
  5. Norwegian: 2,1%
    Aðrir: 3,9%

BÍLALEIGA: Gerðu verðsamanburð á bílaleigum
TILBOÐ Á GISTINGU Í BERLÍN: 5% AFSLÁTTURFRÍTT FREYÐIVÍN
ORLOFSÍBÚÐIR: BARCELONAPARÍSNEW YORK

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …