Samfélagsmiðlar

Jafndýrt að leigja bíl á Kanarí og Tenerife

Í vetur munu þúsundir Íslendinga njóta sólarinnar á spænska eyjaklasanum í Atlantshafi. Þeir sem vilja brjóta upp dvölina og keyra um borga aðeins meira fyrir bíl en rútumiða.

 

 

Í vetur munu þúsundir Íslendinga njóta sólarinnar á spænska eyjaklasanum í Atlantshafi. Þeir sem vilja brjóta upp dvölina og keyra um borga aðeins meira fyrir bíl en rútumiða.

Þó vegalengdirnar séu ekki ýkja langar á Kanarí og Tenerife verða þeir sem ætla að gera áfangastaðnum góð skil að hafa ökutæki til umráða. Bíll í minnsta flokki kostar að minnsta kosti rúmar tvö þúsund krónur á dag sem er álíka mikið og einn farþegi borgar fyrir rútumiða frá flugvelli og að hóteli. Par á ferðalagi borgar því um tíu þúsund krónur fyrir rútuna til og frá flugvelli en bíll í viku kostar að lágmarki rúmar sextán þúsund krónur. Það er því ekki mikið dýrarar að sjá sjálfur um keyrsluna, sérstaklega ef hótelið býður upp á frí bílastæði. Annars gæti borgað sig að leigja bíl einn og einn dag.

Munur milli mánaða

Í vetur verður flogið að minnsta kosti vikulega frá Keflavík til Kanarí og til Tenerife. Íslenskir ferðamenn munu því dreifa sér á báðar eyjarnar. Bílaleigurnar á eyjaklasanum virðast líta á allt svæðið sem eitt samkvæmt verðkönnun Túrista. Bílarnir kosta það sama hvort sem þeir eru afhentir á flugvellinum í Las Palmas eða við komuna til Tenerife.

Það er hins vegar nokkur verðmunur á milli tímabila því í haust kostar vikan tæpar 17 þúsund krónur en í febrúar hækkar leikan um þriðjung. Þeir sem verja jólunum á Kanarí og vilja hafa bíl til umráða borga um tuttugu þúsund fyrir bílinn.

Vikuleiga á bíl í minnsta flokki:

DagsetningKanaríTenerife
24.-31.okt.16.672 kr.16.672 kr.
21.-28.des.19.410 kr.19.410 kr.
10.-17.feb.21.427 kr.21.427 kr.

Í könnuninni var stuðst við leitarvél Rentalcars.com sem er einn umsvifamesti bílaleigumiðlari í heimi og samstarfsaðili Túrista. Smelltu hér til að gera þinn eigin verðsamanburð á bílaleigubílum.

TENGDAR GREINAR: Íbúar Tenerife beðnir um að sýna túristum meiri gestrisniAfköstin aukast til muna eftir Kanaríferð
HÓTEL: Einfaldari verðsamanburður á gistingu út um allan heim

 

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …