Samfélagsmiðlar

Metmánuður hjá íslensku flugfélögunum

Farþegafjöldinn hjá Icelandair og WOW air náði nýjum hæðum í síðasta mánuði. MEIRA

 

 

Farþegafjöldinn hjá Icelandair og WOW air náði nýjum hæðum í síðasta mánuði.

Það flugu 355.046 farþegar með Icelandair í júlí og með WOW air fóru 72.573 farþegar. Farþegafjöldinn er sá mesti í einum mánuði hjá báðum félögum samkvæmt tilkynningum en bæði félög hafa fjölgað ferðum sínum frá því í júlí í fyrra. Icelandair um nærri fimmtung en WOW air um 7 prósent samkvæmt útreikningum Túrista. Félögin tvö stóðu fyrir nærri átta af hverjum tíu ferðum frá Keflavík í júlí.

Mikil aukning á árinu

Nýliðinn júlí er þó ekki eini mánuðurinn sem stenst samanburð við sama tíma í fyrra því það sem af er ári hefur farþegum Icelandair fjölgað um fimmtán prósent og hjá WOW air hefur farþegum fjölgað úr 215.000 í 300.000 eða um tæplega fjörtíu af hundraði (í tilkynningu WOW air kom fram að aukningin væri um 30% en miðað við þessar tölur eru hún 39,5%). Það er álíka viðbót og hefur orðið í fjölda ferða á vegum WOW air það sem af er ári.

Rangar tölur í fyrra

Eins og áður segir kom fram í nýrri tilkynningu WOW air að farþegar á fyrstu sjö mánuðum síðasta árs hafi verið 215 þúsund. Í frétt Mbl.is frá 29. ágúst í fyrra segir „… hefur WOW air flutt yfir 236 þúsund gesti það sem af er ár­inu.“ Það þýðir að farþegar WOW air í ágúst 2013 hafi verið ríflega 21 þúsund sem er mun lægri farþegatala hjá félaginu en búast mætti við yfir aðalferðamannatímann. Þegar Túristi leitaði skýringa á þessari lágu tölu fengust þau svör hjá WOW air að í frétt Mbl í fyrra hefðu verið „rangfærslur“. Hið rétta sé að farþegar fyrstu átta mánuðina árið 2013 hafi verið samtals 283.582 og í ágúst hafi þeir verið 68.706.

Viðbót kl. 11:11: Í fréttatilkynningu sem upplýsingafulltrúi WOW air sendi frá sér 29.ágúst í fyrra, og Túristi hefur nú undir höndum, segir: „…hefur WOW air flutt yfir 236 þúsund gesti það sem af er árinu.“ Það er sami texti og Mbl notaði í sinni frétt. Frétt Mbl hefur því ekki verið byggð á rangfærslum, líkt og upplýsingafulltrúi WOW air hélt fram í svari til Túrista fyrr í dag, heldur röngum upplýsingum frá flugfélaginu.

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

 

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …