Samfélagsmiðlar

Áfram heimilt að styrkja rekstur Akureyrarflugvallar

Útlit var fyrir að nýjar reglur Evrópusambandsins um ríkisstyrki til flugvalla myndu hafa töluverð áhrif á rekstur flugvallanna í Reykjavík og Akureyri. Nú virðast þeir báðir sloppnir fyrir horn, í bili að minnsta kosti.

 

 

Útlit var fyrir að nýjar reglur Evrópusambandsins um ríkisstyrki til flugvalla myndu hafa töluverð áhrif á rekstur flugvallanna í Reykjavík og Akureyri. Nú virðast þeir báðir sloppnir fyrir horn, í bili að minnsta kosti.

Rekstur allra flughafna með meira en tvö hundruð þúsund farþega á ári á að standa undir sér samkvæmt nýjum reglum ESB sem gilda einnig hér á landi. Starfsemina má ekki fjármagna með almannafé. Tillögur að þessum nýju reglum voru kynntar voru fyrir ári síðan og þá leit út fyrir að þær myndu hafa áhrif á rekstur Reykjavíkurflugvallar og Akureyrarflugvallar líkt og Túristi greindi frá. Eftir breytingar er staðan hins vegar önnur.

Aðeins turnþjónustan styrkt í Reykjavík

Á síðasta ári stóðu notendagjöld á Reykjavíkurflugvelli undir nærri sextíu prósent af rekstrarkostnaði en 358 þúsund farþegar fóru þá um völlinn. Samkvæmt upplýsingum frá Isavia, rekstraraðila flugvallanna hér á landi, þá er það aðeins turnþjónusta Reykjavíkurflugvallar sem er styrkt og það er áfram leyfilegt samkvæmt nýju reglunum. Verði hins vegar farið út í framkvæmdir á flugvallarsvæðinu má ríkið að hámarki greiða þrjá fjórðu hluta fjárfestingarinnar. Hugsanlega yrðu veittar undanþágur frá þessu hámarki þar sem flugvöllurinn er mikilvægur í að tryggja samgöngur við afskekkt byggðarlög segir í svari Isavia.

Færri farþegar á Akureyri

Í fyrra flugu tæplega 180 þúsund farþegar til og frá Akureyri en eins og áður segir á bann við ríkisstyrkjum aðeins við um flughafnir með meira en 200 þúsund farþega. Árin 2007, 2008 og 2011 fór farþegafjöldinn á Akureyrarflugvelli hins vegar yfir þetta hámark. Í fyrra var gert ráð fyrir að notendagjöld vallarins stæðu straum af innan við fimmtungi af rekstrarkostnaði hans og aukinn farþegafjöldi gæti því haft mikil áhrif starfsemina. En líkt og áður hefur komið fram vinna forsvarsmenn ferðaþjónustunnar á Norðurlandi að því að fá erlend flugfélög til að bjóða upp á áætlunarflug þaðan. Ef úr því verður og farþegafjöldinn fer yfir 200 þúsund á ári þá þyrfi reksturinn að standa undir sér nema völlurinn fengi undanþágu sem afskekktur flugvöllur. Þess ber að geta að flugvallaryfirvöld hafa tíu ár til að aðlaga sig að þessum nýju reglum og hugsanlega

Oslarflugvöllur greiðir fyrir þá minni

Í Noregi var óttast að krafan um sjálfbærni flugvalla myndi hafa slæm áhrif á rekstur nokkurra flughafna þar í landi. Samkvæmt frétt NFK er hins vegar útlit fyrir að svo verði ekki því í Noregi er hagnaður Oslóarflugvallar meðal annars nýttur í að fjármagna minni flugvelli. Norska ríkið styrkir því ekki reksturinn beint.

Reglurnar hafa ekki áhrif á starfsemi Keflavíkurflugvallar þar sem hún nýtur ekki opinberra styrkja.

TENGDAR GREINAR: Banna ríkisstyrki til flugvallaSegjast ekki á leið norðurLeggja áherslu á Keflavíkurflugvöll
NÝJAR GREINAR: Vilja tryggja farþega fyrir gjaldþrotum Í þessu toppa íbúar Portland

Sérvalin hótel í ódýrari kantinum og í milliverðflokki á vegum Tablet Hotels:

París: MayetThe FiveHotel Thérése London: The RockwellThe Mandeville
Kaupmannahöfn: TwentySevenAlexandra New York: AceSmyth
Barcelona: MarketGranados83 Berlín: KuDamm101Sir F.K. Savigny

 

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …