Samfélagsmiðlar

Fylgjast með verðlagi í flugstöðinni

Verslanir og veitingastaðir í Flugstöð Leifs Eiríkssonar leggja ekki virðisaukaskatt á vörur sínar og fylgst er með að verðlagið þar sé lægra en úti í bæ. MEIRA

 

 

 

Verslanir og veitingastaðir í Flugstöð Leifs Eiríkssonar leggja ekki virðisaukaskatt á vörur sínar og fylgst er með að verðlagið þar sé lægra en úti í bæ.

Í dag er annað hvort lagður 25,5% eða 7% virðisaukaskattur ofan á verð vöru og þjónustu hér á landi. Þeir sem reka verslanir og veitingastaði í Flugstöð Leifs Eiríkssonar þurfa hins vegar ekki að bæta skattinum við sín verð. Það þýðir að vara í efra skattþrepi ætti að vera um fimmtungi ódýrari í flugstöðinni en annars staðar á meðan verðmunurinn á matvælum yrði að vera um 6,5 prósent. Hlynur Sigurðsson, framkvæmdastjóri Keflavíkurflugvallar, segir að reglulega séu gerðar kannanir í flugstöðinni til að tryggja að verðlagið þar endurspegli skattleysið. Hann segir dæmi um að rekstraraðilar hafi verið með of há verð og þá hafi verið óskað skýringa og verðið lagað.

Verðstefna í útboði

Nýlega var rekstur á fríhafnarsvæðinu í Flugstöð Leifs Eiríkssonar boðinn út og í vikunni var tilkynnt hvaða búðir og matsölustaðir verði í brottfararsalnum næstu árin. Að sögn Hlyns þurftu þátttakendur í útboðinu að skila inn upplýsingum um verðstefnu og voru þeir meðal annars dæmdir út frá henni. Hann segir að fylgst verði með því að nýir rekstraraðilar fylgi þeirri verðlagningu sem þeir kynntu í útboðinu og áfram verði passað upp á verðskrár í flugstöðinni taki mið af því að reksturinn þar sé laus við virðisaukaskatt.

TENGDAR GREINAR: Þráðlaust net í Flugstöð Leifs Eiríkssonar
NÝJAR GREINAR: Kostar minna að taka frá bílaleigubílBæta við jólaferðum til Íslands

SÉRVALIN HÓTEL Á VEGUM TABLET HOTELS:

BERLÍN: 15% AFSLÁTTUR Á THE DUDE Í NÓV.KÖBEN: NÓTTIN FRÁ 20 ÞÚSUND Á HOTEL 27FRANKFURT: 25HOURS FRÁ 13.000 KR.

 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …