Samfélagsmiðlar

EFTA úrskurðar í deilu flugfélaganna í desember

Vega íslensk samkeppnislög þyngra en evrópskar reglur um úthlutun afgreiðslutíma á flugvöllum? Svarið fæst 10. desember.

 

 

 

Vega íslensk samkeppnislög þyngra en evrópskar reglur um úthlutun afgreiðslutíma á flugvöllum? Svarið fæst 10. desember.

Fyrir rúmu ári síðan fór Samkeppniseftirlitið fram á það við Isavia, rekstraraðila Keflavíkurflugvallar, að WOW air fengi tvo af brottfarartímunum sem Icelandair nýtir fyrir flug til Bandaríkjanna. Forsvarsmenn Isavia áfrýjuðu niðurstöðunni og töldu að þeim væri óheimilt að grípa inn í með þeim hætti sem Samkeppniseftirlitið krafðist þar sem úthlutun afgreiðslutíma færi eftir alþjóðlegum reglum.

Síðan þá hefur málið farið fyrir áfrýjunarnefnd samkeppnsimála, héraðsdóm og Hæstarétt en er núna á borði EFTA-dómstólsins. Verkefni dómstólsins í Lúxemburg er að skera úr um hvort íslenskar samkeppnisreglur eða evrópskar reglur um úthlutun brottfarartíma vegi þyngra. Niðurstaða EFTA-dómstólsins verður kynnt 10. desember.

Mikil áhrif á sumaráætlun næsta árs

Ef EFTA dómstóllinn kemst að þeirri niðurstöðu að evrópskar reglur eigi að víkja fyrir íslenskum samkeppnisreglum þá gæti farið svo að Icelandair yrði að gefa eftir sín pláss til WOW air líkt og Samkeppniseftirlitið fór fram á fyrir ári síðan. Í framhaldinu yrði að breyta að hluta flugáætlun beggja félaga á næsta ári. Niðurstaða EFTA-dómstólsins gæti því haft mikil áhrif á rekstur Icelandair og WOW air.

Segja Ísland ekki getað verið með sérreglur

Í dag er það danskt fyrirtæki sem sér um skipulagningu á afgreiðslutímum á íslenskum flugvöllum. Framkvæmdastjóri þess, Frank Holton, sagði í viðtali við Túrista að tímum sé úthlutað samkvæmt reglum IATA, alþjóðlegra samtaka flugfélaga og Evrópusambandsins. Þar komi meðal annars fram að ekki megi taka afgreiðslutíma af flugfélagi til að hleypa nýjum aðila að. Frank Holton segir að Ísland sé aðili að þessum samningi og samkeppnisyfirvöld í einu landi geti ekki úrskurðað þvert á efni samkomulagsins. Forsvarsmenn IATA eru á svipuðum nótum í svari sínu til Túrista og benda á að flugfélög eigi hefðarrétt á afgreiðslutímum en ef nýtingin fari undir 80 prósent þá missi flugfélög viðkomandi tíma og þeim sé úthlutað á ný. Icelandair fullnýtir í dag sína tíma og ætti samkvæmt þessu ekki að þurfa að gefa eftir sína tíma nema að EFTA dómstóllinn taki undir niðurstöðu Samkeppniseftirlitsins. Niðurstaðan í því máli verður kynnt í desember.

Talsmenn Icelandair og WOW air hafa ekki viljað tjá sig um málið þegar eftir því hefur verið óskað.

 

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …