Samfélagsmiðlar

Manhattan á niðursettu verði

Meira að segja í einni vinsælastu ferðamannaborg heims þarf að slá af verðinu.

 

 

Þó New York sé ein allra vinsælasta ferðamannaborg heims þá þurfa mörg hótel og veitingastaðir að slá af verðinu í byrjun árs til að fá til sín fleiri gesti.

Fyrstu tvær vikurnar í janúar einfalda sumir hótelstjórar í New York verðskrár sínar og bjóða þá nóttina á 100, 200 eða 300 dollara (13 til 39 þúsund krónur). Þetta verð er oftast töluvert undir því sem almennt gerist og gengur á þeim gististöðum sem taka þátt í Hotel Week NYC átakinu. Í flestum tilfellum eru þetta hótel í fínni kantinum og þetta er því gott tækifæri til að búa vel á Manhattan í nokkra daga án þess að eyða um efni fram. Veðrið í borginni er líka óútreiknanlegt á veturna og þá er ekki verra að vera á almennilegu hóteli með heilsurækt og góðum matsölustöðum.

Þeir sem kjósa annars konar hótel geta líka fengið afslátt því í byrjun árs gefa nærri 300 hótel gestum sínum 2500 króna inneignarnótur sem þeir geta eytt á í mat og drykk. Hér má sjá hvaða hótel í New York lækka verðið þessa fyrstu daga næsta árs.

Maturinn á föstu verði

Það er ekki aðeins efnt til hátíðarhalda á reykvískum veitingastöðum í febrúar því á sama tima reyna veitingamenn á Manhattan að fá fleiri að borðunum með því að bjóða lægra verð. Þriggja rétta í hádeginu kostar þá ríflega þrjú þúsund krónur en kvöldmaturinn um fimm þúsund. Í flestum tilfellum eru matseðlarnir fyrir fram ákveðnir og verða birtir þegar nær dregur. Matgæðingar sem fengu flugmiða til Bandaríkjanna í jólagjöf ættu þá kannski að huga að brottför um miðjan febrúar. Sambærileg átök má reyndar finna víðar til dæmis verður maturinn í Washington borg einnig á afslætti 19. til 25. janúar.

2 fyrir 1 á Broadway

Það eru ekki aðeins hótel og veitingastaðir í New York sem þurfa að grípa til verðlækkanna í byrjun árs. Til að fylla bekkina í leikhúsum borgarinnar þá bjóða mörg þeirra tvo miða á verði eins dagana 20.janúar til 5.febrúar. Sala á þessum afsláttarmiðum hefst 9. janúar (sjá hér).

Icelandair er eina flugfélagið sem flýgur til New York frá Keflavík yfir vetrarmánuðina. Þeir sem fengu flugmiða í jólagjöf geta þá nýtt þá til að komast til borgarinnar en þeir sem eiga eftir að bóka miða mega reikna með að farið kosti að lágmarki rúmar 56 þúsund krónur.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …