Samfélagsmiðlar

Booking.com opnar skrifstofu á Íslandi

booking henrik

Umsvif eins stærsta hótelbókunarfyrirtækis heims hafa aukist hratt hér á landi og í vor opnar félagið starfsstöð í höfuðborginni. Booking.com hefur einnig sterka stöðu þegar kemur að kaupum Íslendinga á gistingu erlendis. Túristi tók svæðistjóra fyrirtækisins tali.

„Booking.com hefur notið mikillar velgegni á Íslandi og vöxturinn hefur verið mjög hraður síðust þrjú ár. Með því að opna skrifstofu í Reykjavík getum við verið í betra sambandi við samstarfsaðila okkar, haldið með þeim fundi þegar þeim hentar og leitað leiða til að efla samstarfið,“ segir Henrik Strand, svæðistjóri Booking.com í Danmörku og Íslandi, aðspurður um ástæður þess að fyrirtækið ætli að opna starfsstöð hér á landi.

Á heimsvísu hefur Booking.com nærri sex hundruð þúsund gististaði á sínum snærum og er því mjög umsvifamikið í hótelbókunum.
Fyrirtækið sér einnig um hótelvefi fyrir fjölmörg flugfélög og til að mynda nota Icelandair, WOW air og easyJet öll leitarvél fyrirtækisins á sínum heimasíðum. Hótelleit Dohop byggir einnig á lausn Booking.com. Fyrirtækið hefur þar af leiðandi sterka stöðu þegar kemur að hótelbókunum íslenskra ferðamanna. Henrik segir að viðskiptavinir Booking.com geti gengið að sömu kjörum hjá öllum söluaðilum fyrirtækisins því það eru hótelin sjálf sem stjórna verðinu.
Henrik segist vonast til að skrifstofa Booking.com opni í Reykjavík í vor en ekki liggur fyrir hversu margir starfsmenn verða ráðnir.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …