Samfélagsmiðlar

Samkeppniseftirlitið skoðar áfram úthlutun afgreiðslutíma

flugtak 860

Tvö ár eru liðin frá því að WOW air kvartaði við Samkeppniseftirlitið vegna úthlutunar á afgreiðslutímum á Keflavíkurflugvelli. Tvö ár eru liðin frá því að WOW air kvartaði við Samkeppniseftirlitið vegna úthlutunar á afgreiðslutímum á Keflavíkurflugvelli. Samkeppniseftirlitið skoðar nú nýtt erindi WOW air vegna sömu mála.
Fyrir einu og hálfu ári úrskurðaði Samkeppniseftirlitið að WOW air skyldi fá tvo af afgreiðslutímum Icelandair á Keflavíkurflugvelli til að geta hafið flug til Bandaríkjanna sumarið 2014. Áfrýjunarnefnd samkeppnismála snéri úrskurðinum við og nú hefur héraðsdómur og Hæstaréttur vísað málinu frá. EFTA dómstóllinn í Lúxemburg tók málið einnig til skoðunar.

Geta ekki gefið upplýsingar um gang mála

Á sama tíma og málið hefur farið milli dómstóla hér heima og erlendis hefur Samkeppniseftirlitið haft til skoðunar nýtt erindi WOW air sem snýr að afgreiðslutímum fyrir næstkomandi sumar. Aðspurður hvort nýja málið verði látið niður falla nú þegar Hæstiréttur hefur vísað því gamla frá segir Steingrímur Ægisson, sviðstjóri hjá Samkeppniseftirlitinu, að ekki sé hægt að gefa neinar upplýsingar að svo stöddu um gang mála. Hann segir að nú þegar dómur Hæstaréttar liggi fyrir þá verði tekin afstaða til seinna málsins. Það sé þó ennþá í nánari skoðun og ekki liggi fyrir hvenær niðurstöðu er að vænta.

Fundu réttu tímana

Þrátt fyrir að WOW air hafi ekki fengið þá afgreiðslutíma við Leifsstöð sem félagið hefur óskað eftir þá hefst Bandaríkjaflug félagsins í næsta mánuði. Talsmaður WOW air hefur sagt að félagið hafi fundið hentuga tíma fyrir flugið vestur um haf og vélar WOW air fara því í loftið á undan vélum Icelandair.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …