Samfélagsmiðlar

Gistingin hefur ekki verið dýrari í London í áratug

london oxfordstraeti

Gistiaðstaða og uppihald dýrara fyrir íslenska túrista í Bretlandi en flugið þangað ódýrara. Hótelstjórar í London eru brattir þessa dagana á meðan ferðamenn verða að sætta sig við að borga meira fyrir herbergin. Gisting og uppihald í Bretlandi kostar íslenska túrista meira núna en á sama tíma í fyrra en flugið er ódýrara.
Í síðasta mánuði voru nærri átta af hverjum tíu hótelherbergjum í Lundúnum bókuð. Að jafnaði borguðu gestirnir 156 pund fyrir nóttina sem jafngildir 32 þúsundum króna. Hótelverðið í febrúar hefur ekki verið eins hátt í áratug samkvæmt frétt DN. Til samanburðar voru 83 prósent herbergja í Reykjavík frátekin í janúar en Hagstofan hefur ekki birt tölur fyrir febrúar.

Dýrara fyrir Íslendinga

Breska pundið hefur styrkst um meira en tíund gagnvart íslensku krónunni í síðastliðið ár og það má því segja að íslenskur ferðamaður í Bretlandi borgi nokkru meira fyrir uppihald og gistingu á Bretlandseyjum í dag en fyrir ári síðan. Á móti kemur að fargjöldin til London hafa lækkað samkvæmt niðurstöðum nýjustu verðkönnunar Túrista
Það er flogið til átta breskra borga frá Keflavíkurflugvelli allt árið um kring og hefur ferðunum þangað fjölgað mjög hratt síðustu ár og eru Bretar orðnir langfjölmennasti ferðamannahópurinn hér á landi. Sérstaklega yfir vetrarmánuðina og í febrúar sl. innrituðu fleiri Bretar en Íslendingar sig í flug á Keflavíkurflugvelli.

Sparnaðarráð fyrir þá köldu

Samkvæmt fréttum má búast við því að hótelverð haldist hátt í London í ár og ein ástæðan þess er sú að Bandaríkjamenn verða á faraldsfæti þar sem dollarinn hefur verið á flugi undanfarna mánuði. Þeir lesendur sem eru á leiðinni til London á næstunni og þora að bíða fram á síðustu stundu með að bóka gistingu geta í mörgum tilfellum fengið hótelherbergi með vænum afslætti (sjá hér). En það er ekki víst að allir séu tilbúnir til þess háttar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …