Samfélagsmiðlar

Íslandsflug Lufthansa fær góðar undirtektir

lufthansa 319

Það eru ekki eingöngu Þjóðverjar sem ætla að nýta sér flugið hingað því Ísraelar og Frakkar eru einnig duglegir að taka frá sæti. Stærsta flugfélag Þýskalands opnar nýjar flugleiðir til Íslands í vor og bókunarstaðan er góð. Það eru ekki eingöngu Þjóðverjar sem ætla að nýta sér flugið hingað því Ísraelar og Frakkar taka einnig frá sæti í vélum þýska flugfélagsins.
Síðustu ár hefur Lufthansa boðið upp á áætlunarflug hingað til lands frá þýsku borgunum Dusseldorf, Hamborg og Berlín. Dótturfélagið German Wings hefur hins vegar tekið þessar flugleiðir yfir og í staðinn hyggst Lufthansa fljúga hingað frá Frankfurt og Munchen. Það er í fyrsta skipti sem félagið flýgur hingað frá þessum tveimur helstu starfsstöðvum sínum.

Stefna á allt árið

Fyrst um sinn mun Lufthansa fljúga héðan þrisvar sinnum í viku til Frankfurt og á sunnudögum til Munchen yfir sumarið. Forsvarmenn Lufthansa hafa hins vegar uppi áform um að starfrækja þessar flugleiðir allt árið um kring. Í dag er Icelandair eina félagið sem býður upp á ferðir til þessara borga allt árið en Airberlin flýgur héðan til Munchen yfir aðal ferðamannatímabilið.

Flestir farþegar á leið til Íslands

Jómfrúarferðir Lufthansa eru á dagskrá í maí og segir Martin Riecken, talsmaður Lufthansa, að nú þegar hafi meira en þrjú af hverjum fjórum sætum selst í margar ferðir. Það eru aðallega Þjóðverjar, Frakkar og Ísraelar á leið til Íslands sem hafa bókað en síðustu vikur hefur bæst við pantanir frá farþegum sem hefja ferðalagið hér á landi að sögn Riecken.  
Lufthansa er stærsta flugfélag Evrópu og flýgur meðal annars til 190 áfangastaða frá flugvöllunum í Frankfurt og Munchen.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …