Samfélagsmiðlar

Ryanair dregur í land með áform um Ameríkuflug

ryanair velar

Það er ekki víst að vélar merktar Ryanair verði sýnilegar við bandarískar flughafnir innan fárra ára líkt og gefið var í skyn í tilkynningun fyrr í vikunni. Það er ekki víst að vélar merktar Ryanair verði sýnilegar við bandarískar flughafnir innan fárra ára líkt og gefið var í skyn í tilkynningun fyrr í vikunni.
Forstjóri Ryanair, stærsta lággjaldaflugfélags Evrópu, eru þekktur fyrir að koma sér í fjölmiðla með bröttum fullyrðingum. Eitt sinn hélt hann því fram að brátt yrði boðið upp á standandi farrými í vélum félagsins og að farþegar þyrftu að borga fyrir aðgang að salerni um borð. Þessi áform urðu að engu en þegar flugfélagið tilkynnti í byrjun vikunnar að stjórn fyrirtækisins hefði gefið grænt ljós á að hefja undirbúning að áætlunarflugi til Bandaríkjanna eftir fimm ár héldu margir að mönnum væri full alvara og fréttin rataði í alla helstu fjölmiðla. Í gærmorgun neyddust forsvarsmenn félagsins hins vegar til að draga tilbaka fréttatilkynninguna sem þeir höfðu sent út á þriðjudag, þar á meðal til Túrista. Í frétt Irish Independent er haft er eftir Michael O´Leary, forstjóra Ryanir, að fyrri fréttatilkynningin hafi verið algjört klúður og dæmi u ranga upplýsingagjöf. 

Dótturfélag líklega sent til Bandaríkjanna

Í upphaflegu fréttatilkynningu Ryanair stendur að félagið áformi að fljúga til 12 til 14 bandarískra borga frá jafnmörgum evrópskum áfangastöðum og jómfrúarferðin verði farin eftir fjögur til fimm ár. Eftir u-beygju forstjórans í gær er talið víst að eigendur írska flugfélagsins ætli sér vestur en þó ekki með Ryanair. Í staðinn verði stofnað nýtt flugfélag sem muni sjá um áætlunarferðirnar milli Bandaríkjanna og meginlands Evrópu. Áður hefur þau plön verið viðruð en samkvæmt fréttatilkynningu þriðjudagsins var það Ryanair sem ætlaði vestur. 
Það er því óvíst hvort Icelandair og WOW air fái samkeppni frá þessu stærsta lággjaldaflugfélagi Evrópu á leiðum sínum fyrir hafið en í frétt Irish Independent er þess getið að WOW air ætli að hefja Ameríkuflug frá London í vor. Það er þó ekki minnst á að WOW air muni einnig fljúga frá Dublin.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …