Samfélagsmiðlar

Gæti orðið áttunda stærsta flughöfn Norðurlanda

fle 860

Hlutfallslega fjölgaði farþegum í Flugstöð Leifs Eiríkssonar miklu meira í fyrra en á hinum stóru norrænu flugvöllunum. Hlutfallslega fjölgaði farþegum í Flugstöð Leifs Eiríkssonar miklu meira í fyrra en á hinum stóru norrænu flugvöllunum. Ef vöxturinn verður áfram svona hraður gæti sá íslenski komist upp fyrir Þrándheim á lista þeirra stærstu.  
Síðustu ár hefur farþegum á Keflavíkurflugvelli fjölgað um 15 til 20 prósent á milli ára og í fyrra voru þeir tæplega 3,9 milljónir. Þessi hraði vöxtur hefur skotið Flugstöð Leifs Eiríkssonar fram úr flughöfnunum í Billund og Bromma í Stokkhólmi á listanum yfir stærstu flugvelli Norðurlanda síðustu ár.
Forsvarsmenn Isavia áætla að 4,5 milljónir farþega fari um Keflavíkurflugvöll í ár og ef þær áætlanir ganga eftir gæti sá íslenski velt flugvellinum í Þrándheimi úr sessi sem áttunda stærsta flughöfn Norðurlanda. Í fyrra fóru um 4,4 milljónir farþega til og frá norska flugvellinum en er álíka mikið og árið á undan.

Fleiri í vopnaleit

Þó gert sé ráð fyrir að farþegum á Keflavíkurflugvelli fjölgi um sex hundruð þúsund í ár þá er stefnt að því að halda óbreyttum afgreiðslutíma við innritun og öryggishlið að sögn Friðþórs Eydal, talsmanns Isavia. Hann segir að með breytingum í brottfararsal verði hægt að bæta við afgreiðslulínum og starfsfólki í flugverndarskoðun.

Ekki meira pláss á háannatímum

Nú er svo komið að ekki er hægt að bæta við flugferðum til og frá Keflavíkurflugvelli á háannatímum á morgnana og seinnipart dags en Friðþór segir flugstöðina verst nýtta um miðjan morgun, á kvöldin og um hánóttina. „Þetta er öllum þeim sem hyggjast koma nýir inn eða auka umsvifin bent á og þeir hvattir til þess að nýta sér þjónustuna á þessum þægilegu afgreiðslutímum sem standa til boða. Margir hafa einmitt kosið að nýta sér það.“

Sá eini með ekkert innanlandsflug

Aðalflugvellirnir í Kaupmannahöfn, Ósló og Stokkhólmi eru þeir langstærstu á Norðurlöndum og jókst umferðin um þá í fyrra þónokkuð. Sá danski er sem fyrr stærstur og með komu Ryanair til Kaupmannahafnar er búist við að farþegum þar fjölgi enn frekar í ár. En þetta stærsta lággjaldaflugfélag Evrópu býður ekki upp á flug til Arlanda í Stokkhólmi eða Óslóarflugvallar. Af tíu stærstu flughöfnum Norðurlanda er Flugstöð Leifs Eiríkssonar sú eina sem ekki er nýtt fyrir bæði millilanda- og innanlandsflug og til að mynda voru þrír af hverjum fjórum farþegum á flugvellinum í Þrándheimi á ferðalagi innan Noregs. Hér fyrir neðan er listi yfir stærstu norrænu flughafnirnar og er listinn byggður á upplýsingum frá flugvöllunum sjálfum.

10 stærstu flugvellir Norðurlanda

 FlugvöllurFarþegar árið 2014Aukning milli ára
1.Kaupmannahafnarflugvöllur25,6 milljónir6,5%
2.Óslóarflugvöllur24,2 milljónir4,8%
3.Arlanda í Stokkhólmi22,4 milljónir9%
4.Vantaa í Helsinki15,9 milljónir4,4%
5.Flesland í Bergen6 milljónir-0,9%
6.Landvetter í Gautaborg5,2 milljónir4%
7.Sola í Stavanger4,7 milljónir0,3%
8.Værnes í Þrándheimi4,4 milljónir1,4%
9.Flugstöð Leifs Eiríkssonar3,9 milljónir20,5%
10.Billund2,8 milljónir0,8%
Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …