Samfélagsmiðlar

Tíðar breytingar á sætisgjaldi WOW air

wow radir

Þú greiðir fyrir að velja þér ákveðið sæti um borð hjá flestum lággjaldaflugfélögum. WOW air gerir reglulegar breytingar á verði þessarar þjónustu.  Þú greiðir fyrir að velja þér ákveðið sæti um borð hjá flestum lággjaldaflugfélögum. WOW air gerir reglulegar breytingar á verði þessarar þjónustu. Dýrust er hún hins vegar hjá Airberlin.
Þegar WOW air hóf áætlunarflug í byrjun sumars 2012 kostaði 1.490 krónur að taka frá ákveðið sæti um borð. Síðan þá hefur verðið breyst reglulega og til að mynda hefur því verið breytt þrisvar sinnum frá því í mars í fyrra samkvæmt því Túristi kemst næst. Í vetur hafa farþegar á styttri flugleiðum greitt 299 til 2.499 krónur fyrir ákveðin sæti en gjaldið er núna komið upp í 399 til 2.999 krónur. Ef flugtíminn er meira en fjórir tímar þá greiða farþegarnir 499 til 3.499 krónur og miðast gjaldið við hverng fluglegg. Sá sem vill sitja í fremstu röð hjá WOW borgar þá aukalega um sex til sjö þúsund krónur fyrir að taka frá sæti báðar leiðir. 
Aðspurð um þessar öru verðbreytingar segir Svanhvít Friðriksdóttir, upplýsingafulltrúi WOW air að stöðugt sé verið að skoða gjaldskrá félagsins og stilla hana af. Hún segir að verð hafi bæði hækkað og lækkað eftir því hvernig viðbrögð viðskiptavina hafa verið.

Algengt aukagjald

Það eru mörg flugfélög og þá sérstaklega lággjaldafélög sem rukka sérstaklega fyrir val á sætum. Alla vega átta flugfélög sem hingað fljúga í ár eru með þess háttar gjald og er verðskráin mjög ólík eftir félögum eins og sjá má á töflunni hér fyrir neðan.

Gjald fyrir val á sæti, verð fyrir hvern fluglegg

FlugfélagVal á sæti
Airberlin1750 – 3820 kr.
easyJet600 – 2250 kr.
German Wings1170 – 1760 kr
Norwegian1670 kr.
Primera Air1000- 2500 kr.
Transavia590 – 2200 kr.
Vueling730 – 2500 kr.
WOW air399 – 3499 kr.
Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …