Samfélagsmiðlar

Fleiri nýta sér strætóferðir út á Keflavíkurflugvöll

fle 860

Leið 55 flutti nærri átta þúsund farþega í síðasta mánuði á milli höfuðborgarsvæðisins og Suðurnesja Leið 55 flutti nærri átta þúsund farþega í síðasta mánuði á milli höfuðborgarsvæðisins og Suðurnesja. 
Í byrjun árs hófust áætlunarferðir Strætó milli miðborgar Reykjavíkur og Flugstöðvar Leifs Eiríkssonar. Vagninn stoppar meðal annars við Háskóla Íslands, Kringluna, Fjörð í Hafnarfirði og Keili í Reykjanesbæ á leiðinni og tekur ferðalagið eina klukkustund og sautján mínútur samkvæmt áætlun Strætó. Fargjaldið er 1.400 krónur en til samanburðar kostar ódýrasti miðinn með Flugrútunni 1.950 krónur (3.500 kr. báðar leiðir) og Airport Express 1.900 kr. (3.400 kr. báðar leiðir) og fara bílar þessara fyrirtækja leiðina á þremur korterum. 

Mikil fjölgun strax í byrjun

Þessar nýju almenningssamgöngur eru á samstarfsverkefni Sambands sveitarfélaga á Suðurnesjum og Strætó og í janúar nýttu 4.769 farþegar sér þessa þjónustu. Í febrúar fór farþegafjöldinn upp í 7.623 og í mars voru farþegarnir 7.907 talsins samkvæmt upplýsingum frá Berglindi Kristinsdóttur, framkvæmdastjóra Sambands sveitarfélaga á Suðurnesjum. Hún segir að ekki hafi verið farið út í nákvæma sundurliðun á samsetningu farþega en stærsti hluti þeirra séu íbúar Suðurnesja sem sæki skóla og vinnu á höfuðborgarsvæðið. Gera má ráð fyrir að bæði innlendir og erlendir ferðamenn nýti sér þessar áætlunarferðir að sögn Berglindar.

Aðeins frá Reykjavík á virkum dögum

Leið 55 fer níu ferðir á dag frá Umferðarmiðstöðinni að Flugstöð Leifs Eiríkssonar en þó eingöngu á virkum dögum en um helgar keyrir vagninn aðeins milli Fjarðar í Hafnarfirði og flugstöðvarinnar. Fyrsta ferð frá Umferðarmiðstöðinni er klukkan 23 mínútur yfir sex og er vagninn kominn út á völl tuttugu mínútur í átta. Það er of seint fyrir þá sem ætla að ná morgunflugi íslensku flugfélaganna en áætlun Strætó passar þeim betur sem fljúga með hádegisvélunum. 

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …