Samfélagsmiðlar

Skera niður flug milli Íslands og Sviss

basel vetur

Í vetur hefur í fyrsta skipti verið boðið upp á áætlunarflug héðan til Sviss og hefur fjöldi svissneskra ferðamanna þrefaldast. Í vetur hefur í fyrsta skipti verið boðið upp á áætlunarflug héðan til Sviss og hefur fjöldi svissneskra ferðamanna þrefaldast. Ekki verður hins vegar framhald á þessum áætlunarferðum nema að litlu leyti.
Fyrir ári síðan hóf breska lággjaldaflugfélagið easyJet að fljúga hingað til lands tvisvar í viku frá Basel í Sviss og í október sl. bættust við jafn margar ferðir frá Genf. Til stóð að starfrækja þessar flugleiðir allt árið um kring en líkt og Túristi greindi frá í gær er ekki lengur hægt að bóka flug héðan til Genfar frá lokum október á heimasíðu easyJet.

Farþegar fá endurgreitt

Forsvarsmenn flugfélagsins höfðu hins vegar ekki tilkynnt um breytingar á áætlun til Genfar og í gær var svo ekki lengur mögulegt að panta far héðan til Basel yfir háveturinn líkt og hægt var á daginn áður. Eftir ítrekaðar tilraunir staðfestir Carinne Heinen, upplýsingafulltrúi easyJet, í svari til Túrista að frá og með október nk. muni easyJet aðeins fljúga til Íslands frá Genf yfir sumarmánuðina og flugið frá Basel verði lagt niður frá lokum nóvember og fram í febrúar. „Haft verður samband við alla þá farþega sem áttu bókuð sæti og þeim boðin full endurgreiðsla. Við biðjumst velvirðingar á þeim óþægindum sem þetta veldur“, segir í svari Heinen til Túrista. Það sem af er ári hefur easyJet verið næst umsvifamesta flugfélagið á Keflavíkurflugvelli og boðið upp á rúmlega hundrað ferðir í mánuði.

Þrefalt fleiri Svisslendingar

Eins og áður segir er easyJet fyrsta flugfélagið sem býður upp á áætlunarflug héðan til Sviss yfir vetrarmánuðina og hefur fjöldi svissneskra túrista hér á landi þrefaldast síðustu fimm mánuði. Alls hafa 4.745 Svisslendingar komið til landsins síðan að flugið frá Genf bættist við leiðakerfi easyJet í lok október. Veturna tvo þar á undan voru svissnesku ferðamennirnir á bilinu fimmtán til sextán hundruð.
Flugvellirnir í Basel og Genf liggja báðir við landamæri Frakklands og Sviss og áætlunarflugið til borganna tveggja er því líklega ein ástæða þess að frönskum túristum hefur fjölgað um 45 prósent í ár samkvæmt talningu Ferðamálastofu. Flugvöllurinn í Basel er einnig skammt frá þýsku landamærunum.
Auk easyJet þá býður Icelandair upp á áætlunarflug til Genfar yfir sumarmánuðina og vélar íslenska félagsins fljúga allt að fimm sinnum í viku til Zurich frá vori og fram á haust. 
SMELLTU TIL AÐ SJÁ HVERT ÞÚ GETUR FLOGIÐ BEINT Í VOR, SUMAR OG HAUST.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …