Samfélagsmiðlar

British Airways snýr aftur til Íslands

british airways

Eitt stærsta flugfélag heims ætlar á ný að bjóða upp á áætlunarflug til Keflavíkurflugvallar og nú frá Heathrow í London. Eitt stærsta flugfélag heims ætlar á ný að bjóða upp á áætlunarflug til Keflavíkurflugvallar og nú frá Heathrow í London.
Breska flugfélagið British Airways mun bjóða upp á reglulegar ferðir til Íslands frá og með 25. október. Flogið verður alla miðvikudaga, föstudaga og sunnudaga og fara vélarnar í loftið frá Keflavík klukkan hálf fjögur seinni partinn og lenda við Heathrow flugvöll rétt um kvöldmatarleytið. 
„Við erum glöð og stolt yfir því að geta boðið upp á flug frá Reykjavík til Heathrow flugvallar. Ég hlakka til að geta sýnt íslenskum farþegum okkar Terminal 5 bygginguna í Heathrow og bjóða þeim upp á tengiflug til Evrópu og út um allan heim,“ segir Peter Rasmussen, viðskiptastjóri British Airways í Norður-Evrópu, í samtali við Túrista.

Bjóða ódýrari miða

Lægstu fargjöld British Airways héðan til Heathrow og tilbaka kosta í dag um 17.200 krónur (86 pund) að því segir í tilkynningu frá félaginu. Samkvæmt athugun Túrista er þó algengara að miðinn báðar leiðir sé á um 31 þúsund krónur en hjá Icelandair kosta ódýrustu farmiðarnir, báðar leiðir til Heathrow, næsta vetur um 40 þúsund krónur. Við ódýrustu fargjöldin hjá British Airways bætist farangursgjald. 

Með reynslu af Íslandi

Þetta verður ekki í fyrsta skipti sem British Airways flýgur til Íslands því félagið var til að mynda nokkuð umsvifamikið í Íslandsflugi á áttunda áratugnum og bauð einnig upp á reglulegar ferðir héðan til Gatwick flugvallar á árunum 2006 til 2008. Eins og áður segir mun félagið núna fljúga hingað frá Heathrow og geta farþegar í Íslandsfluginu náð tengiflugi þaðan beint til fjölmargra borga í Asíu, Afríku og S-Ameríku, til dæmis Hong Kong, Singapúr, Höfðaborgar, Buenos Aires, Sao Paulo, Mumbaí og Moskvu. Hingað til hefur Icelandair verið eitt um að fljúga héðan til Heathrow en lendingarleyfi á flugvellinum eru ófáanleg í dag og ganga á kaupum og sölu fyrir milljarða króna. Það má því segja að forsvarsmenn British Airways hafi mikla trú á fluginu hingað til lands með því bæta Íslandi við leiðakerfi félagsins frá þessum stærsta flugvelli Evrópu.

Að minnsta kosti 6 ferðir á dag til London

Með tilkomu British Airways verða í boði allt að fjörtíu og fjórar brottfarir í viku frá Keflavíkurflugvelli til flugvallanna við höfuðborg Bretlands. Hafa ferðirnir meira en tvöfaldast síðustu ár því veturinn 2012 voru í boði 19 ferðir í viku líkt og Túrista greindi frá. Auk British Airways býður Icelandair upp á flug til Heathrow, til Gatwick fljúga bæði íslensku félögin auk easyJet en breska félagið er einnig með reglulegar ferðir frá Luton flugvelli í námunda við London.
British Airways er eitt stærsta flugfélag Evrópu og umsvifamesta alþjóðlega flugfélagið í Bretlandi. British Airways er hluti af IAG samsteypunni sem rekur einnig spænsku flugfélögin Iberia og Vueling en það síðarnefnda flýgur hingað frá Barcelona og Róm fyrir sumartímann.
 

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …