Samfélagsmiðlar

Bílaleigubílar í Orlandó kosta það sama við nýja heimahöfn Icelandair í Flórída

orlando skilit

Frá og með haustinu lenda flugvélar Icelandair á nýjum stað í Orlandó en það hefur ekki áhrif á bílaleigureikninga farþeganna. Frá og með haustinu lenda flugvélar Icelandair á nýjum stað í Orlandó. Það hefur hins vegar ekki áhrif á bílaleigureikninga farþeganna því verðskrárnar við Sanford flugvöll og Orlando International eru nákvæmlega þær sömu. Alla vega eins og staðan er í dag.
Þeir sem fara í frí til Flórída vilja sennilega allir hafa bíl til umráða jafnvel þó ætlunin sé að taka því rólega við sundalaugarbakka. Almenningssamgöngur á þessu svæði eru ekki fyrsta flokks og kostnaðurinn við að taka leigubíl nokkrum sinnum slagar upp í leigu á ágætis bíl.

Miklu stærri flughöfn

Undanfarin áratug hefur Icelandair flogið héðan til Sanford flugvallar í Orlandó en í lok sumars flytur félagið sig yfir á Orlando International sem er um fimmtíu kílómetrum sunnar og nær miðborginni. Sá flugvöllur er mun stærri en flughöfnin við Sanford því á síðasta ári flugu um 36 milljónir farþega til og frá Orlando International en í Sanford var farþegafjöldinn aðeins 2,2 milljónir.

Leigan sú sama

Þrátt fyrir þennan mikla stærðarmun þá eru verðskrár bílaleiganna við þessa tvo velli alveg eins. Bílar í flokknum Economy og Minivan kosta upp á krónu það sama samkvæmt verðkönnun Túrista á leiguverð í september, október og nóvember við báðar þessar flughafnir. Notast var við leitarvél Rentalcars sem knýr áfram bílaleiguleit Túrista. En verðkannanir Túrista hafa sýnt að sú leitarvél finnur oft mjög hagstætt verð á bílaleigubílum.

 
 Sanford, flokkur: „Economy“Sanford , flokkur: „Minivan“Orlando International, flokkur: „Economy“Orlando International, flokkur: „Minivan“
18.-25.september24.213 kr.42.431 kr.24.213 kr.42.431 kr.
16.-23.október24.213 kr.44.033 kr.24.213 kr.44.033 kr.
20.-27. nóvember24.213 kr.44.033 kr.24.213 kr.44.033 kr.
Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …