Mikil aukning var í flugumferð um Keflavíkurflugvöll í maí. Munar þar miklu um að sumarvertíð margra erlendra flugfélaga hér á landi hefst mánuði fyrr en vanalega. Mikil aukning var í flugumferð um Keflavíkurflugvöll í maí. Munar þar miklu um að sumarvertíð margra erlendra flugfélaga hér á landi hefst mánuði fyrr en vanalega. Íslensku flugfélögin bættu einnig miklu við.
Það var boðið upp á 1347 áætlunarferðir frá Keflavíkurflugvelli í maí eða um 44 á dag. Á sama tíma í fyrra voru ferðirnar tæplega þrjú hundruð færri samkvæmt talningum Túrista. Nemur aukningin í maí í ár 27 prósentum.
Icelandair bætti flestum ferðum við
Öll flugfélögin á Keflavíkurflugvelli juku umsvif sín í nýliðnum mánuði og til að mynda fjölgaði brottförum Icelandair um 139. Einnig munar mikið um að flugfélögin Delta, Airberlin og Lufthansa hófu sumarflug sitt hingað til lands mánuði fyrr í ár en vanalega. WOW air bætti einnig verulega við framboð sitt frá því í maí í fyrra.
Þrátt fyrir að íslensku félögin tvö hafi fjölgað ferðum sínum töluvert þá hefur hlutdeild þeirra í ferðum frá landinu dregist saman eins og sjá má á töflunni hér fyrir neðan.
Umsvifamestu flugfélögin á Keflavíkurflugvelli, í brottförum talið:
Maí 2015 | Flugfélag | Hlutdeild 2015 | Hlutdeild 2014 |
1. | Icelandair | 67,1% | 72,5% |
2. | WOW air | 12% | 12,3% |
3. | easyJet | 7,1% | 6,3% |
4. | Airberlin | 3% | 1% |
5. | SAS | 2,6% | 2,9% |