Samfélagsmiðlar

Þriðjungi lengur að fljúga styttri leið

Þeir sem fara með Icelandair til Glasgow eru rétt um tvo tíma í háloftunum en þeir sem fljúga með félaginu til Aberdeen eru nærri þrjá tíma á leiðinni þó síðarnefnda borgin sé nær Keflavíkurflugvelli.

icelandair flug

Um langt skeið hefur Icelandair boðið upp á áætlunarflug til skosku borgarinnar Glasgow og í dag hóf félagið sölu á miðum til Aberdeen á austurströnd Skotlands. Það er Flugfélag Íslands, systurfélag Icelandair, sem mun sjá um flugið til þessa nýja áfangastaðar og verður ein af Bombardier farþegavélum félagsins nýtt í flugið. Samkvæmt heimasíðu Icelandair mun það taka Bombardier vélina tvo tíma og fimmtíu mínútur að fljúga héðan til Aberdeen. Flugleiðin er 1.314 kílómetrar sem er 55 kílómetrum styttri leið en fara þarf til Glasgow. Hins vegar tekur flugið til þeirrar borgar aðeins tvo tíma og fimm mínútur enda eru ferðirnar þangað farnar á Boeing þotum Icelandair. Það tekur því farþega Icelandair ríflega þriðjungi lengri tíma að fljúga til Aberdeen en til Glasgow. Ódýrustu fargjöldin til borganna tveggja eru þó hin sömu eða 17.205 krónur samkvæmt athugun Túrista.

Íslendingar halda ekki lengur uppi fluginu

Eins og áður segir hefur Glasgow verið hluti að leiðakerfi Icelandair í áratugi og í dag flýgur félagið þangað fimm sinnum í viku. Flugleiðin hefur þó ekki alltaf gengið vel og sumarið 2009 lagði Icelandair til að mynda niður flug milli Íslands og Glasgow. Veturinn eftir tók félagið upp þráðinn að nýju en þá með því að sameina ferðirnar þangað og til ensku borgarinnar Manchester. Vélarnar fóru þá frá Keflavíkurflugvelli til Englands og þaðan yfir til Glasgow og svo heim á ný. Í tilkynningu frá Icelandair kom fram að ástæðan fyrir þessu hringflugi væri sú að flugið til borganna tveggja hefði byggt að verulegu leiti á ferðum íslenskra farþega en vegna gengisþróunar hefði dregið mjög úr utanferðum Íslendinga.
Í dag er hlutfall íslenskra farþega Icelandair hins vegar 15 prósent og reiknar forstjóri félagsins með að það lækki áfram. Íslendingar halda því ólíklega uppi flugleiðum hjá Icelandair í dag líkt og raunin var með flugið til Manchester og Glasgow fyrir nokkrum árum síðan.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …