Samfélagsmiðlar

Ferðaminningar Veru Wonder Sölvadóttur

vera wonder b

Hún er staðráðin í að heimsækja Prag á ný en Vesturbæjarlaugin er hins vegar einn af hennar uppáhaldsstöðum. Hún er staðráðin í að heimsækja Prag á ný en Vesturbæjarlaugin er hins vegar einn af hennar uppáhaldsstöðum. Kvikmyndagerðarkonan Vera Wonder Sölvadóttir deilir hér nokkrum ferðasögum með Túrista og segir okkur hvert ferðinni er heitið næst.
Fyrsta utanlandsferðin
Ætli það hafi ekki verið þegar ég var tveggja, þriggja ára og fór ásamt mömmu minni og fóstupabba til London og til Ítalíu að heimsækja vinafólk. Það getur verið að ég hafi farið áður til London en fósturpabbi minn er þaðan.

Besta heppnaða ferðalagið
Líklega bara það síðasta. Því minnið nær ekki lengra. Annars hef ég farið í ansi mörg vel heppnuð ferðalög. Ég var að koma frá Prag þar sem ég var í vinnubúðum með verkefni sem ég er að vinna að. Það var frábær ferð. Því miður sá ég lítið af borginni. En ég er staðráðin í að fara þangað aftur sem túristi. Annað ferðalag er mér samt minnisstætt er þegar ég keyrði þvert yfir Bandaríkin árið 2012 með vini mínum og tökumanni á hvítum Mustang blæjubíl. Mér fannst það ekki leiðinlegt.

Eftirminnilegasta máltíðin
Hún er úr síðasta ferðalagi. Ég var í Tékklandi og fékk þennann rétt sem má sjá á myndinni fyrir ofan. Þetta er held ég sulta, vafin inn í brauð með einskonar jógúrti ofan á og súkkulaði dufti. Þetta var borið fram sem aðalréttur!

Vandræðalegasta uppákoman í útlöndum
Þegar ég var stödd í London með mömmu minni fyrir mörgum árum. Við vorum í lyftu með rosalega sætum strák og töluðum lengi um hvað hann væri nú sætur og töff týpa. Við sáum hann svo aftur í Icelandair vélinni tala við félaga sinn á íslensku.

Uppáhalds staðurinn
New York, París og Vesturbæjarlaugin.

Uppáhalds ferðafélaginn
Saga dóttir mín.

Hvert er ferðinni heitið næst
Ég fer til Aix-en Provence í Frakklandi í nóvember þar sem ég sit í dómnefnd á kvikmyndahátíð.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …