Samfélagsmiðlar

Nú verður hægt að fljúga beint til Prag

czech airlines

Stærsta flugfélag Tékklands ætlar að hefja flug til Íslands næsta sumar. Mikill áhugi á Íslandsferðum meðal þarlendra ferðafrömuða. Stærsta flugfélag Tékklands ætlar að hefja flug til Íslands næsta sumar. Mikill áhugi á Íslandsferðum meðal þarlendra ferðafrömuða.
Allt frá falli járntjaldsins hefur Prag verið ein vinsælasta ferðamannaborg Evrópu. Íslenskir ferðamenn á leið þangað hafa þó í flestum tilfellum þurft að millilenda á leið sinni því framboð á beinu flugi til borgarinnar hefur nær takmarkast við óreglulegt leiguflug en Iceland Express bauð reyndar upp á vikulegar ferðir til Prag sumarið 2012. Nú ætla hins vegar forsvarsmenn Czech Airlines, stærsta flugfélags Tékklands, að bæta Íslandi við leiðakerfi sitt og verður jómfrúarferðin farin sextánda júní á næsta ári. Í boði verða tvær ferðir í viku fram í miðjan september og munu þotur Czech Airlines taka á loft frá Keflavíkurflugvelli skömmu eftir miðnætti aðfaranótt mánudags og föstudags. Farþegar lenda því í Prag í morgunsárið.

Góðar undirtektir í Tékklandi

„Það er mjög mikill áhugi á Íslandi hér í Tékklandi og margar tékkneskar ferðaskrifstofur eru spenntar fyrir þessari nýju flugleið“, segir Daniel Šabík, talsmaður Czech Airlines, í viðtali við Túrista. Hann vonast líka til að margir Íslendingar nýti sér áætlunarferðir flugfélagsins því Tékkland hafi upp á margt að bjóða fyrir ferðamenn. Aðspurður um fargjöldin segist Šabík ekki hafa upplýsingar um hvernig verðskráin verði en hann vonast til að sala á Íslandsfluginu hefjist fljótlega eftir helgi á heimasíðu Czech Airlines. Flogið verður á Airbus 319 vélum sem rúma 144 farþega.

Tékkar á landbyggðinni

Beint flug hingað frá Tékklandi eru sérstaklega góð tíðindi fyrir ferðaþjónustuna út á landi því líkt og kom fram í nýlegri úttekt Túrista þá eru Tékkar mun líklegri til að gista út á landsbyggðinni þegar þeir ferðast um Ísland en gengur og gerist. Þannig skiptast gistinætur tékkneskra túrista hér á landi nær jafnt á milli höfuðborgarsvæðisins og landsbyggðarinnar en almennt gista erlendir ferðamenn í nærri sjötíu prósent tilvika á höfuðborgarsvæðinu. Aðeins Ísraelar eru líklegri til að velja frekar hótel á úti á landi en á höfuðborgarsvæðinu en Tékkar.
SMELLTU TIL AÐ GERA VERÐSAMANBURÐ MEÐ Momondo Á FLUGI TIL PRAG

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …