Samfélagsmiðlar

Vilja áframhaldandi samstarf þrátt fyrir aukna samkeppni

Í vor tvöfaldar skandinavíska flugfélagið SAS umsvif sín hér á landi og eykur samkeppnina við íslensku flugfélagin í Boston. Það mun samt ekki binda enda á lang samstarf SAS og Icelandair.

sas icelandair

Um áratuga skeið hafa Icelandair og SAS átt í nánu samstarfi um ferðir milli Norðurlanda. Áætlunarflug félaganna, á ákveðnum flugleiðum, eru til að mynda samkennd sem þýðir að flugnúmer SAS eru notuð við flug Icelandair og öfugt. SAS sem er stærsta flugfélag Norðurlanda hóf að fljúga beint til Íslands árið 1988 frá Kaupmannahöfn en hafði áður millilent hér í flugi sínu milli Danmerkur og Grænlands. SAS lagði hins vegar niður flugið hingað frá Kaupmannahöfn í kringum aldarmótin en hefur síðustu ár boðið upp reglulegar ferðir hingað til lands frá Ósló.

Herja á vígi hvors annars

Nýverið tilkynntu forsvarsmenn SAS hins vegar að frá og með mars næstkomandi gætu farþegar félagsins flogið beint hingað frá Kaupmannahöfn allt árið um kring. Á sama tíma ætlar SAS einnig að hefja áætlunarflug til Boston en sú borg hefur verið helsta vígi Icelandair vestanhafs. Tilkynning SAS um þessar nýju flugleiðir kom stuttu eftir að Icelandair hóf sölu á farmiðum til Chicago en sú borg hefur verið hluti að leiðakerfi SAS um langt skeið. Þrátt fyrir að samkeppni fyrirtækjanna tveggja aukist verulega í byrjun næsta árs þá vilja forsvarsmenn þeirra að halda samstarfinu áfram. Í viðtali við Túrista á mánudag sagði Simon Pauck Hansen, forstöðumaður hjá SAS, að það væri ekki á dagskrá félagsins að hætta samvinnunni við Icelandair enda hefði hún reynst SAS vel og það myndi koma sér á óvart ef stjórnendur Icelandair myndu slíta samstarfinu í ljósi aukinnar samkeppni. Guðjón Arngrímsson, talsmaður Icelandair, segir breytingar á samvinnunni ekki á dagskrá. „Við erum í góðu samstarfi við SAS og gerum ráð fyrir að það muni halda áfram.”

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …