Samfélagsmiðlar

Delta eykur samkeppnina við Icelandair

delta 2

Eitt stærsta flugfélag heims bætir við sinni annarri flugleið til Íslands. Tengiflug félagsins innan N-Ameríku kosta farþegana stundum ekkert aukalega. Eitt stærsta flugfélag heims bætir við sinni annarri flugleið til Íslands. Tengiflug félagsins innan N-Ameríku kosta farþegana stundum ekkert aukalega.
Delta Air Lines hefur ákveðið að bæta verulega við Íslandsflug sitt á næsta ári og bjóða uppá daglegar ferðir hingað frá Minneapolis allt sumarið. Forsvarsmenn bandaríska flugfélagsins höfðu reyndar áformað að starfrækja þessa flugleið síðastliðið sumar en fengu ekki hentuga afgreiðslutíma á Keflavíkurflugvelli.

Bæta líka í New York flugið

Frá árinu 2011 hefur Delta boðið upp á áætlunarflug hingað frá JFK flugvelli í New York og nýverið var tilkynnt að á næsta ári myndi áætlunarflug félagsins, milli Íslands og New York, hefjast í febrúar og standa í sjö mánuði. Þremur mánuðum lengur en áður. Áður hafði Icelandair verið eina félagið sem bauð upp á flug héðan til New York og hefur einnig verið það eina sem hefur séð hag í flugi héðan til Minneapolis en á því verður nú einnig breyting. 

Bjóða upp á morgunflug vestur um haf

Vélar Delta munu því fljúga hingað til lands tvisvar sinnum á dag frá Minneapolis og New York næsta sumar. Ahygli vekur að brottförin héðan til Minneapolis er á dagskrá klukkan hálf níu að morgni sem er hálftíma áður en vélin frá borginni lendir við Flugstöð Leifs Eiríkssonar. Ástæðan fyrir þessu eru sú að farþegaþotan sem kemur frá New York í morgunsárið flýgur til Minneapolis á meðan vélin sem kemur þaðan fer til New York. Vélarnar tvær skipta því um flugleið og farþegar á leið héðan til Minneapolis lenda þá þar klukkan tíu að morgni. Í dag fljúga langflestar vélar héðan til Bandaríkjanna seinnipartinn og lítið um morgunflug þangað. Til að mynda fljúga vélar Icelandair til Minneapolis korter í fimm seinnipartinn en íslenska félagið hefur boðið upp á áætlunarflug til Minneapolis um langt skeið.

Ódýrara að kaupa tengiflug en ekki

Ódýrustu farmiðarnir hjá Delta til Minneapolis og tilbaka kosta 77.575 krónur en farið þangað kostar að lágmarki 78.795 krónur með Icelandair samkvæmt lauslegri verðkönnun Túrista. Hins vegar borga farþegar Delta oft ekki neitt fyrir framhaldsflug frá Minneapolis eða New York með félaginu. Til að mynda kostar 77.305 krónur að fljúga með félaginu héðan til Chicago eða Denver með millilendingu í Minneapolis. Það kostar sem sagt 270 krónum minna að kaupa einnig tengiflugið í stað þess að fljúga aðeins til Minneapolis. Þess ber þó að geta að það getur verið umtalsverður verðmunur á milli daga hjá Delta líkt og hjá öðrum flugfélögum.
Máltíðir eru innifaldar í fargjaldi á öllum farrýmum í áætlunarflugi Delta og minnst ein 23 kg ferðataska svo og handfarangur. Afþreyingarkerfi stendur öllum farþegum til boða á flugleiðinni svo og wi-fi tenging við internetið samkvæmt því sem segir í tilkynningu.
SMELLTU TIL AÐ GERA VERÐSAMANBURÐ Á HÓTELUM OG BÍLALEIGUBÍLUM

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …