Samfélagsmiðlar

Icelandair bætir við 27. þotunni fyrir sumarið

icelandair 757 a

Áfangastöðum Icelandair fjölgar um þrjá í ár og flugflotinn mun stækka enn meira en upphaflega var gert ráð fyrir. Áfangastöðum Icelandair fjölgar um þrjá í ár og flugflotinn mun stækka enn meira en upphaflega var gert ráð fyrir.
Þegar flugáætlun Icelandair fyrir þetta ár var kynnt kom fram að hún yrði um átján prósent umfangsmeiri en í fyrra og að 26 farþegaþotur yrðu nýttar í áætlunarflugið. Þar af tvær Boeing 767 breiðþotur sem munu bætast við flugflota félagsins á næstunni. Nú hafa forsvarsmenn Icelandair hins vegar ákveðið að fjölga um eina þotu enn. „Við ákváðum nýlega að auka nokkuð við framboðið í sumar og bætum Boeing-757 farþegaþotu í flugflotann yfir sumarmánuðina og fram í október. Með þessari viðbót verður hægt að fjölga ferðum til áfangastaða í Evrópu og N-Ameríku,” segir Guðjón Arngrímsson, upplýsingafulltrúi Icelandair, aðspurður áhirf þessara breytinga.

Bæta strax við sætum til Chicago

Um miðjan mars hefur Icelandair áætlunarflug til O´Hare flugvallar við Chicago en hún er ein stærsta flughöfn Bandaríkjanna. Í ár eru þrjátíu ár liðin frá því að félagið fór jómfrúarferð sína til þessarar þriðju fjölmennustu borgar Bandaríkjanna en hún var hluti að leiðakerfi Icelandair á árunum 1986 til 1988. Upphaflega stóð til að nýta hefðbundnar Boeing 757 farþegaþotur á þessari flugleið en í þeim eru sæti fyrir 183 farþega. Viðtökurnar við þessu nýja áætlunarflugi hafa hins vegar verið það góðar að félagið mun í staðinn notast við Boeing 767 breiðþotur í flugið yfir sumarmánuðina en þær taka 262 farþega. Með þessum breytingum getur Icelandair flutt níu þúsund fleiri farþega til og frá Chicago næsta sumar en Guðjón segir að þessi fjölgun muni þó ekki auka álagið á Keflavíkurflugvelli. „Komu- og brottfarartímar þessarar viðbótar verða utan háannatíma á Keflavíkurflugvelli. Við erum að þétta það sem við köllum seinni bankann, þ.e. leiðakerfi sem byggir á því að fara vestur um haf um klukkan tíu fyrir hádegi og til Evrópu á kvöldin.”
Auk Chicago bætist skoska borgin Aberdeen við leiðakerfiIcelandair í ár og Montreal í Kanada.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …