Samfélagsmiðlar

Ekki útlokað að rútumiðar til Keflavíkurflugvallar hækki líka

Brátt hækka bílastæðagjöldin við Flugstöð Leifs Eiríkssonar umtalsvert og þá verða áætlunarferðir út á völl mun hagstæðari kostur.Verðbilið gæti hins vegar minnkað fljótt á ný. Brátt hækka bílastæðagjöldin við Flugstöð Leifs Eiríkssonar umtalsvert og þá verða áætlunarferðir út á völl mun hagstæðari kostur.Verðbilið gæti hins vegar minnkað fljótt á ný.
Frá og með þarnæstu mánaðarmótum hækkar sólarhringsgjaldið á langtímastæðinu við Keflavíkurflugvöll um nærri þriðjung og verður 1.250 kr. Eftir þessa verðhækkun kostar 8.750 kr. að láta bíl standa þar í viku en fyrir tvær vikur þarf að greiða 15.400 kr. Til samanburðar kostar rútumiði út á völl, báðar leiðir, fyrir tvo fullorðna 7.600 kr. með Airport Express og 8.000 með Flugrútunni. Börn fá frítt en unglingar borga hálft gjald. 

Hærri laun og skattur

Það verður því nokkru hagstæðara að skilja bílinn eftir heima ef dvelja á í útlöndum í viku eða lengri tíma en ekki fyrir nokkra daga líkt og kom fram í verðsamanburði Túrista í vikunni. Hins vegar sparar höfuðborgarbúi sér eitt til þrjú þúsund krónur í bensín með því að fara með rútu í flugið en á móti kemur kostnaður við að koma sér frá heimili að umferðarmiðstöð, til dæmis með leigubíl. Það er hins vegar ekki víst að verðmunurinn á þessum tveimur ferðamátum verði áætlunarbifreiðunum jafn hagstæður þegar líður á árið. Meðal annars vegna almennra launahækkanna og tilkomu 11 prósenta virðisaukaskatts á flesta þætti ferðaþjónustu. „Eins og staðan er í dag hefur ekki verið tekin ákvörðun um að hækka verðið en það eru miklar kostnaðarhækkanir á árinu sem við þurfum að taka tillit til þannig að ég get ekki útilokað það,“ segir Kristján Daníelsson, framkvæmdastjóri Kynnisferða, aðspurður um hvort til standi að hækka farmiðaverð Flugrútunnar. Jóhannes Georgsson hjá Gray Line, sem rekur Airport Express, segir engar verðbreytingar vera fyrirhugaðar núna.
Strætó býður einnig upp á ferðir út á Keflavíkurflugvöll en fyrsta ferð dagsins er þó ekki nógu snemma fyrir þá sem eiga að mæta í morgunflug. Farmiði hjá Strætó kostar 1.400 kr. aðra leið.

Stæðin standa tæpt í dag

Eins og gefur að skilja þá eru það helst Íslendingar sem nýta sér langtímabílastæðin út á Keflavíkurflugvelli en þrátt fyrir að íslenskum flugfarþegum hafi fjölgað milli ára þá voru þeir færri á síðasta ári en 2007 þegar ferðagleði landans náði hámarki. Þrátt fyrir það er nýting stæðanna allt að 96 prósent í dag samkvæmt upplýsingum frá Isavia og því stundum tæpt að allir komist þar að með bílana sína.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …