Samfélagsmiðlar

Mikil aukning í flugi héðan til Parísar

Þrjú flugfélög fljúga héðan til höfuðborgar Frakklands og öll bæta þau verulega við áætlun ársins.

orly paris

Í gær fór Icelandair jómfrúarferð sína til Orly flugvallar í París og mun fljúga þangað allt að sex sinnum í viku allt árið um kring. Þrátt fyrir þessa miklu viðbót þá heldur Icelandair áfram að fljúga tvær til þrjár ferðir á dag til Charles de Gaulle flugvallar og þar með fjölgar ferðum félagsins til höfuðborgar Frakklands verulega milli ára. Félagið er þó ekki eina sem bætir í Parísarflugið því það gera einnig WOW air og Transavia. Síðarnefnda félagið mun til dæmis í fyrsta skipti í ár fljúga hingað um vor og haust en hingað til hefur félagið aðeins boðið upp á Íslandsferðir yfir sumarmánuðina.
Með öllum þessum aukaferðum eykst framboð á flugi milli Íslands og Parísar umtalsvert á næstu mánuðum. Í júlí fjölgar ferðunum um fjórðung og í október nemur aukningin 85 prósentum samkvæmt talningum Túrista.

Lenda nær miðborg Parísar

Charles de Gaulle er næststærsti flugvöllur Evrópu en í fyrra nam farþegafjöldinn þar 66 milljónum en á sama tíma fóru þrjátíu milljónir farþega um Orly flugstöðina. Stærðarmunurinn á þessum tveimur stærstu flugvöllum Frakklands er því mikill en framboð á innanlandsflugi er hins vegar mun meira frá Orly en Charles de Gaulle. Á þeim síðarnefnda er hlutfall farþega í innanlandsflugi til að mynda innan við tíund en nærri helmingur þeirra sem fara um Orly eru á ferðalagi innan Frakklands. Mikið úrval af innanlandsflugi er þó ekki það eina sem Orly hefur framyfir Charles de Gaulle að mati flugvallarstjórans. „Hér á Orly njóta farþegar Icelandair þess að París er mjög skammt frá, flugstöðin er þægileg, brottfararhliðin eru stutt frá götunni og þoturnar þurfa ekki að keyra eftir löngum flugbrautum,” segir í svari Franck Mereyde, flugvallarstjóra Orly, til Túrista.

Fengu óvænt flugtíma

Þó umsvif Icelandair hafi lengi verið mikil í París þá höfðu forsvarsmenn félagsins sótt um lendingarleyfi við Orly síðustu tvö ár en ekki fengið að sögn Guðjóns Arngrímssonar, upplýsingafulltrúa Icelandair. Tímarnir fyrir sumaráætlunina, sem hófst á páskadag, komu hins vegar upp í hendur félagsins með stuttum fyrirvara eftir rússneska flugfélagið Transaero varð gjaldþrota. Að sögn Guðjóns var strax mikill áhugi á því að bæta Orly við leiðakerfi Icelandair en það hafi hins vegar tekið smá tíma að ákveða hvernig það yrði gert með stuttum fyrirvara.

Styrkir stöðuna í Montreal

Flugleiðin til Orly er sú þriðja sem bæst hefur við hjá Icelandair í ár en í vor hefur félagið svo flug til Montreal í Kanada. Sú borg er sú stærsta í hinni frönskumælandi Quebec og telur Guðjón að það styrki stöðu Icelandair í Montreal að geta boðið upp á flug til Orly þar sem í dag er ekki flogið beint milli Montreal og Orly allt árið um kring. Hins vegar fljúga bæði Air Canada og Air France, stærstu flugfélög landanna tveggja, daglega eða oftar milli Montreal og Charles de Gaulle.
Þess má geta að WOW air mun einnig hefja flug til Montreal í maí næstkomandi og heimahöfn félagsins í París er Charles de Gaulle flugvöllur.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …