Samfélagsmiðlar

Séríslenskt að eiga bæði flugfélag og hótel

Í sumar opnar hótel á vegum eigenda WOW air en Icelandair hefur lengi verið í þeim geira. Erlendir flugrekekendur eru hins vegar ekki áberandi á þessu sviði.

hotelrum nik lanus

Á gamla varnarliðssvæðinu á Suðurnesjum opnar í sumar hótel í eigu Skúla Mogensen, forstjóra WOW air. Um að ræða lággjaldahótel með eitt hundrað herbergjum og íbúðum en hótelið verður hins vegar ekki kennt við systurfélag sitt, WOW air, að sögn Svanhvítar Friðriksdóttur, talskonu WOW. Hún segir að nafn hótelsins verði kynnt á næstu vikum.
Þess má þó geta að fyrirtækið tryggði sér lénið Wowhotel.is fyrr í þessum mánuði samkvæmt rétthafaskrá Isnic.

Viðskiptamódel sem gengur ekki upp annars staðar

WOW air er annað stærsta flugfélag landsins á eftir Icelandair. Rekstur þess flugfélags hefur lengi verið nátengdur rekstri gististaða og eru Icelandair hótelin í dag næst umsvifamesta hótelkeðja landsins með ríflega 1600 herbergi á sínum snærum. Á Vesturlöndum er hins vegar sjaldgæft að flugfélög tengist rekstri hótela og til að mynda hafa Radisson hótelin ekki verið kennd við skandinavíska flugfélagið SAS síðan árið 2009. Hótelkeðjan easyHotel er heldur ekki lengur undir sama hatti og easyJet flugfélagið en hér á landi er þróunin allt önnur. Skýringin kann að liggja í landfræðilegri stöðu Íslands og lokuðu hagkerfi að mati Jacob Pedersen, yfirmanns greiningardeildar Sydbank í Danmörku. „Almennt virkar það ekki fyrir flugfélög að eiga hótel og þetta er ekki viðskiptamódel sem gengur upp annars staðar í Evrópu en gæti gert það á Íslandi,” segir Pedersen í samtali við Túrista. Hann bætir því að vegna fyrrnefndrar sérstöðu Íslands þá þurfi kannski innlend flugfélög að taka meiri þátt í ferðaþjónustunni en tíðkast annars staðar.

Einbeita sér heldur að fluginu

Hið norska Norwegian hefur stækkað mjög hratt síðustu ár og er annað stærsta flugfélag Norðurlanda. Félagið býður einnig upp á áætlunarferðir til Bandaríkjanna frá höfuðborgum Skandinavíu, London og brátt París og er fyrsta lággjaldaflugið sem verður svo umsvifamikið í flugi yfir hafið. Norwegian flýgur jafnframt hingað til lands frá Ósló og Bergen en Lasse Sandaker Nielsen, talsmaður þess, segir við Túrista að félagið hafi engin áform um að eignast hótel. „Við einbeitum okkur að kjarnastarfseminni sem er að bjóða upp góðar flugsamgöngur á lágu verði.”

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …