Samfélagsmiðlar

Delta gerir Ísland að heilsárs áfangastað

Eitt stærsta flugfélag heims eykur umsvif sín verulega hér á landi í ár með vetrarflugi frá New York og nýrri flugleið.
Síðustu fimm sumur hafa þotur bandaríska flugfélagsins Delta flogið allt að daglega hingað frá JFK flugvelli í New York en í ár hófst Íslandsflug félagsins frá heimsborginni strax í febrúar. Síðar í þessum mánuði bætir félagið svo við daglegum ferðum hingað frá Minneapolis. Forsvarsmenn Delta láta ekki þar við sitja því nú hafa þeir sett í sölu beint flug milli Íslands og New York allan næsta vetur. Flugleiðin verður þar með starfrækt allt árið um kring og verða farnar fjórar ferðir í viku næstkomandi vetur en yfir hásumarið eru brottfarirnar tvöfalt fleiri.

Eina félagið með svefnsæti

Með þessum viðbótum munu umsvif þessa risastóra flugfélags margfaldast hér á landi en Delta er jafnframt eina erlenda flugfélagið á Keflavíkurflugvelli sem ekki er evrópskt. Farþegarýminu í þotum bandaríska flugfélags er skipt í þrennt og í fremsta hluta þess er að finna svefnsæti (flat-bed) en þess háttar aðstaða er ekki eru í boði hjá neinu öðru flugfélagi sem flýgur til og frá Íslandi. Svoleiðis munaður kostar vissulega sitt eða að lágmarki rúmlega tvö hundruð þúsund krónur á meðan sæti á ódýrasta farrými til New York er á um 69 þúsund krónur samkvæmt athugun Túrista.

Hvað gerir WOW í New York?

Í dag flýgur Icelandair til New York flugvallanna JFK og Newark en WOW air hefur ennþá ekki bætt þessari stærstu borg Bandaríkjanna við leiðakerfi sitt. Á því kann að verða enn lengri bið þar sem afgreiðslutímar á flugvöllunum borgarinnar liggja ekki á lausu og hafa stjórnendur íslenska lággjaldaflugfélagsins meðal annars horft til lítils flugvallar í New York fylki. Með tilkomu heilsárs áætlunarflugs Delta hingað til lands frá JFK flugvelli í New York má segja að möguleikar WOW til að koma sér fyrir í borginni verði minni þar sem samkeppnin verður ennþá harðari. Fókusinn hjá forsvarsmönnum WOW er hins vegar líka á tengiflug milli N-Ameríku og Evrópu á meðan ferðinni hjá farþegum Delta í Bandaríkjunum er eingöngu heitið til Íslands en ekki til meginlands Evrópu. Þar af leiðandi er vetrarflug Delta hingað til lands góð tíðindi fyrir íslenska ferðaþjónustu en Bandaríkjannamenn ásamt Bretum eru langstærstu hópar ferðamanna hér á landi. Reyndar er hlutdeild þessara tveggja þjóða svo stór að talsmanni Samtaka ferðaþjónustunnar hefur þótt ástæða til að staldra við þennan mikla fjölda.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …