Samfélagsmiðlar

Færri vilja gista hjá Trump

trump chicago

Frammistaða sigurvegarans í forkosningum repúblikana hefur haft neikvæð áhrif á hótelkeðjuna sem kennd er við frambjóðandann sjálfan.
Það fer ekki framhjá neinum sem fylgst hefur með fréttum síðustu misseri að Donald J. Trump, forsetaframbjóðandi Repúblikanaflokksins, er mjög umdeildur maður. Ekki bara í Bandaríkjunum heldur víða um heim. Áður en hann hóf afskipti af stjórnmálum var hann hins vegar þekktur viðskiptamógull og ein helsta eign hans eru fimm stjörnu lúxushótel sem meðal annars er að finna í stærstu borgum Bandaríkjanna og Kanada. Nú eru hins vegar teikn á lofti um að málflutningur Trump í kosningabaráttunni sé farinn að koma niður á viðskiptaveldi hans því samkvæmt nýrri könnun bandarísku ferðasíðunnar Skift þá telja nærri sex af hverjum tíu svarendum það vera ólíklegra nú en áður að þeir bóki herbergi á Trump hóteli. Áhugi tæplega fjórðungs þátttakenda á gististöðum frambjóðandands hefur hins vegar aukist en tæpur fimmtungur segist ekki hafa haft hugmynd um að Trump væri í hótelgeiranum.

Karlar spenntari fyrir nótt á Trump

Yngra fólk er ólíklegra en það eldra til að panta gistingu hjá Trump, eins og staðan er í dag, samkvæmt könnuninni en tekjulágir væru frekar til í að eyða nóttinni á 5 stjörnu hóteli kenndu við þennan umdeilda mann en þeir sem eru með meðaltekjur eða þær hæstu. Það er einnig verulegur munur á eftirspurn eftir gistingunni meðal karla og kvenna. Þannig segja nærri þrjár af hverjum fjórum konum á vesturströnd Bandaríkjanna að þær myndu ekki tékka sig inn á hótel í eigu repúblikans og andstaðan var álíka mikil meðal kynsystra þeirra í norðausturhluta landsins. Í suðurríkjunum var fólk hins vegar jákvæðast og sérstaklega karlarnir. Þannig sögðu 3 af hverjum 10 körlum í suðurhluta Bandaríkjanna að þeir væru líklegri en áður til að bóka herbergi hjá Trump. 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …