Samfélagsmiðlar

179 Íslendingar eru staddir í sólarlandaferð í Tyrklandi

tyrkland strond830

Búist er við að heimferð íslenskra ferðamanna frá Antalya verði á áætlun á miðvikudag. Búist er við að heimferð íslenskra ferðamanna frá Antalya verði á áætlun á miðvikudag.
Átökin sem áttu sér stað í kringum valdaránið í Tyrklandi i gærkvöldi og í nótt voru að langmestu leyti bundin við Istanbúl og höfuðborgina Ankara og er tala látinna komin upp í nærri 200 samkvæmt síðustu fréttum. Í ferðamannabæjunum við strandlengjuna gekk lífið sinn vanagang nema í Marmaris en þar var forseti landsins staddur og munu hermenn hafa gert árangurslausa tilraun til að ná til hans.

Farþegar rólegir

Ferðaskrifstofan Nazar er sú eina hér á landi sem býður upp á sólarlandaferðir til Tyrklands og núna eru 179 Íslendingar, þar af 49 börn, á vegum ferðaskrifstofunnar í strandbæjunum við Antalya sem er við suðausturströnd landsins. Um 700 kílómetrum frá Istanbúl og tæpum 500 km fjarri Ankara. Þessir íslensku farþegar eru í síðustu ferð Nazar til Tyrklands í ár því fyrr í sumar felldu forsvarsmenn ferðaskrifstofunnar niður allar sólarlandaferðir frá Íslandi til Tyrklands frá og með miðjum júlí vegna dræmrar sölu. Reyndar seldist upp í síðustu ferðirnar og því kemur full vél hingað til lands á miðvikudag. Kemal Yamanlar, framkvæmdastjóri Nazar, er staddur í Tyrklandi og í samtali við Túrista segir hann að ekki sé að sjá að farþegar Nazar, þar á meðal þeir íslensku, séu órólegir vegna atburða næturinnar og að lífið á ferðamannasvæðunum gangi sinn vanagang. Þar hafi enda ekki komið til neinna átaka í gær en hann útilokar þó ekki að mótmæli hafi brotist út á einhverjum stöðum. Að sögn Yamanlar liggur flug ennþá niðri en hann vonast til að samgöngurnar komist í lag mjög fljótt og að flugið til Íslands verði þá á réttum tíma á miðvikudag. Hann segir þó að akkúrat núna sé ekki hægt að segja með vissu um hvenær flugvellir opni alveg á ný.

Mæla ekki með Tyrklandsreisum

Nazar selur ferðir til Tyrklands frá öllum Norðurlöndunum og segir Yamanlar að eftir atburðina í gærkveldi hafi verið ákveðið að gefa farþegum kost á að afbóka ófarnar ferðir enda mæli norrænu utanríkisráðuneytin ekki lengur með ferðum til Tyrklands eftir atburði næturinnar. Hann segir að í dag hafi margir viðskiptavinir haft samband og séu það aðalllega þeir sem eiga bókaðar ferðir síðar í sumar sem eru órólegir. En sem fyrr segir verða ekki farnar fleiri ferðir á vegum Nazar frá Íslandi til Tyrklands í ár.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …