Samfélagsmiðlar

Farmiðar til Íslands lækkuðu um helming milli ára

gatwick braut

Að jafnaði þurftu breskir ferðamenn aðeins að greiða um 17 þúsund krónur fyrir flugmiða til Íslands og heim aftur á öðrum fjórðungi ársins. Á sama tíma í fyrra var fargjaldið tvöfalt hærra. Að jafnaði þurftu breskir ferðamenn aðeins að greiða um 17 þúsund krónur fyrir flugmiða til Íslands og heim aftur á öðrum fjórðungi ársins. Á sama tíma í fyrra var fargjaldið tvöfalt hærra.
Í apríl, maí og júní flugu rétt um 56 þúsund breskir ferðamenn frá Keflavíkurflugvelli og nam aukningin 36 prósentum samkvæmt talningu Ferðamálastofu. En Bretar og Bandaríkjamenn eru langfjölmennastir í hópi ferðamanna á Íslandi og sl. vetur stóðu breskir gestir undir meira en þriðju hverri gistinótt á hótelum höfuðborgarsvæðisins. Framboð á flugi milli Íslands og Bretlands hefur líka margfaldast síðustu ár og í dag er flogið hingað frá 11 breskum flugvöllum. Þar af fjórum á Lundúnarsvæðinu en þangað er flogið allt að átta sinnum á dag á vegum fjögurra flugfélaga og lætur nærri að fimmta hver þota sem tekur á loft frá Keflavíkurflugvelli setji stefnuna á bresku höfuðborgina samkvæmt talningum Túrista.

Verðhrun síðustu mánuði

Síðustu misseri hefur ferðunum til Bretlands fjölgað og til að mynda var WOW air að hefja flug til Edinborgar og Bristol og Icelandair bætti nýverið Aberdeen við leiðakerfi sitt. Auk þess ætlar British Airways að bjóða upp á daglegt flug til Íslands frá Heathrow í stað þriggja ferða í viku. Þessi mikla aukning hefur valdið því að verð á farmiðum til Íslands og heim aftur frá breskum flugvöllum lækkaði um 49 prósent á öðrum ársfjórðungi í pundum talið samkvæmt tölum frá flugbókunarsíðunni Kayak sem er ein sú stærsta í heimi. Eða úr 175 pundum í 89 fyrir flugmiða báðar leiðir.
Þegar breska verðið er umreiknað í íslenskar krónur, miðað við meðalverð á öðrum ársfjórðungi 2015 og 2016, þá kemur í ljós að meðalfargjaldið í ár var 16.759 krónur en var 35.962 kr. á sama tíma í fyrra. Lækkunin er þá enn meiri eða 53 prósentum og misræmið skýrist af ört lækkandi gengi breska pundsins.

Reykjavík er hástökkvari

Á sama tíma og fargjöldin hingað lækka þá aukast vinsældir landsins því á öðrum ársfjórðungi var Reykjavík fimmti vinsælasti áfangastaðurinn meðal þeirra sem leituðu að farmiðum á vef Kayak eins og sjá má á töflunni hér fyrir neðan. Íslenska höfuðborgin var hins vegar í 44. sæti á sama tíma í fyrra.
Hvort tölur Kayak gefa rétta mynd af verðþróun á flugi milli Íslands og Bretlands er erfitt að segja en þar sem Kayak er ein stærsta flugleitarsíða heims en nýtur þó mun meiri vinsælda vestanhafs en í Evrópu. 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …