Samfélagsmiðlar

Í fyrsta skipti áætlunarflug til Madrídar yfir vetrarmánuðina

norwegian velar860

Í síðustu viku hófst sala á flugi Norwegian milli Íslands og London og nú hefur norska lággjaldaflugfélagið bætt við beinu flugi til tveggja stærstu borga Spánar. Í síðustu viku hófst sala á flugi Norwegian milli Íslands og London og nú hefur norska lággjaldaflugfélagið bætt við beinu flugi til tveggja stærstu borga Spánar.
Undanfarin ár hefur áætlunarflug héðan til höfuðborgar Spánar takmarkast við nokkrar ferðir á vegum Icelandair yfir hásumarið. Í ár bættist svo við sumarflug á vegum Iberia Express en hlé verður gert á þeim ferðum frá og með byrjun september. Frá hausti og fram á vor hafa farþegar á leið milli Íslands og Madrídar því þurft að millilenda á leið sinni en á því verður nú breyting því þotur norska lággjaldaflugfélagsins Norwegian munu fljúga hingað frá borginni alla þriðjudaga og laugardaga í vetur eða frá byrjun nóvember og út mars á næsta ári. Sala á farmiðunum var að hefjast.

3 nýjar vetrarleiðir á einni viku

Stjórnendur Norwegian láta ekki þar við sitja því þeir hafa einnig sett í sölu áætlunarferðir hingað frá Barcelona á sama tímabili, nema þá er flogið á miðvikudögum og laugardögum en líkt og Túristi greindi nýverið frá munu Vueling og WOW air einnig fljúga milli höfuðborgar Katalóníu og Keflavíkurflugvallar í vetur. „Við erum mjög ánægð með að geta tilkynnt um tvær nýjar flugleiðir til Íslands, til Barcelona og Madridar. Við teljum að þessar ferðir fái góðar móttökur hjá þeim Íslendingum sem vilja njóta smá sólar yfir vetrarmánuðina. Á sama tíma er það trú okkar að þessar flugleiðir, auk nýja flugsins okkar frá London til Íslands, muni efla íslenska ferðaþjónustu,“ segir Astrid Gaustad Mannion, upplýsingafultrúi Norwegian, í svari til Túrista. En í síðustu viku bætti Norwegian við flugi hingað frá Gatwick í London en síðustu ár hefur félagið aðeins boðið upp á ferði hingað frá Ósló og Bergen.
Samkvæmt lauslegri athugun Túrista þá kosta ódýrustu farmiða Norwegian milli Íslands og Spánar um 18 þúsund krónur, báðar leiðir. Borga þarf aukalega fyrir innritaðan farangur hjá félaginu.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …