Samfélagsmiðlar

Kaupmannahafnarflugið nær nýjum hæðum

cph amalienborg ty stange

Í júlí voru í fyrsta skipti farnar meira en tvö hundruð áætlunarferðir frá Keflavíkurflugvelli til höfuðborgar Danmerkur. Í júlí voru í fyrsta skipti farnar meira en tvö hundruð áætlunarferðir frá Keflavíkurflugvelli til höfuðborgar Danmerkur.
Með tilkomu daglegs áætlunarflugs SAS frá Kaupmannahöfn til Íslands þá hefur flugumferðin á þessari vinsælu flugleið aukist umtalsvert þó bæði Icelandair og WOW air fljúga einnig borgarinnar allt árið um kring. Þotur Icelandair fljúga þangað allt að fimm sinnum á dag en WOW daglega. Hingað til hefur umferðin hins vegar ekki verið eins mikil og hún var í síðasta mánuði þegar ferðirnar voru samtals 204 samkvæmt talningu Túrista. Aldrei áður hafa flugferðirnar verið svona margar í einum mánuði frá því að Túristi hóf talningu á flugi frá Keflavíkurflugvelli fyrir um fimm árum síðan. 

Tvöfalt fleiri ferðir til Minneapolis

Í heildina fjölgaði brottförunum til Kaupmannahafnar um fjórðung frá því í júlí í fyrra en eins og sjá má á töflunni hér fyrir neðan þá jókst umferðin í síðasta mánuði á öllum þeim flugleiðum sem eru á listanum yfir þær vinsælustu frá Keflavíkurflugvelli. Til að mynda tvöfaldaðist ferðafjöldinn til Minneapolis en þangað flýgur nú Delta í samkeppni við Icelandair. Ferðirnar til Toronto, fjölmennustu borgar Kanada, voru líka mun fleiri enda flýgur nú WOW þangað líka en áður sat Icelandair eitt að Kanadafluginu. Íslensku félögin hófu svo bæði áætlunarflug til Montreal í frönskumælandi hluta landsins á sama tíma í maí sl.

London ekki verið neðar

Fjögur flugfélög bjóða upp á reglulegt flug milli Íslands og flugvallanna við Lundúnir. Vegna þessarar miklu umferðar þá er London vanalega í fyrsta sætinu á listanum yfir þá áfangastaði sem oftast er flogið til frá Keflavíkurflugvelli. Yfir hásumarið hefur Kaupmannahöfn hins vegar náð fyrsta sætinu og London þá farið niður í annað sæti. Aukaferðir WOW og Icelandair til Parísar í kringum leik Íslendinga og Frakka í byrjun mánaðar tryggðu frönsku borginni hins vegar annað sætið á listanum í júlí með naumindum.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …