Samfélagsmiðlar

WOW bætir í flugið til Amsterdam og Dublin

amsterdam Jace Grandinetti

Þeir sem eiga erindi til Hollands í vetur eða ætla að millilenda á Schiphol á leið sinni út í heim hafa úr meira að moða í vetur. Félagið fjölgar einnig ferðunum til höfuðborgar Írlands. Þeir sem eiga erindi til Hollands í vetur eða ætla að millilenda á Schiphol á leið sinni út í heim hafa úr meira að moða í vetur. Félagið fjölgar einnig ferðunum til höfuðborgar Írlands.
Sumarið 2013 bættist hollenska borgin Amsterdam við leiðakerfi WOW air og síðastliðinn vetur bauð félagið upp á tvær ferðir í viku til borgarinnar. Forsvarsmenn félagsins ætla hins vegar að bæta verulega við flugið til Schiphol í vetur því þá munu þotur WOW lenda daglega við þessa fimmtu fjölförnustu flughöfn Evrópu. Þar með geta farþegar á Keflavíkurflugvelli valið á milli þriggja brottfara á dag til Amsterdam en Icelandair býður upp á morgunflug til borgarinnar, líkt og WOW air, og aðra ferð upp úr hádegi.

Oftar til Dublin

Síðustu ár hefur flug héðan til Bretlands stóraukist og til að mynda hefur easyJet flogið nokkrar ferðir í viku hingað frá Belfast á Norður-Írlandi. Það var hins vegar fyrst í fyrra sem nágrannalandið Írland komst á kortið en þá fór WOW air jómfrúarferð sína til Dublin. Í vetur mun félagið tvöfalda umsvif sín þar í borg og fljúga þangað alla daga nema þriðjudaga og laugardaga. Ekkert annað flugfélag býður upp á áætlunarflug milli Íslands og Írlands en Dublin hefur verið vinsæll áfangastaður fyrir sérferðir á vegum íslenskra ferðaskrifstofa um langt skeið. 

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …