Samfélagsmiðlar

Tímataflan fyrir áætlunarflug milli Íslands og London í vetur

Í vetur geturðu valið á milli allt að 12 ferða á dag milli Íslands til Lundúna. Hér sérðu hvernig brottfarir og heimferðir, til og frá London, raðast frá morgni til kvölds Í vetur geturðu valið á milli allt að 12 ferða á dag milli Íslands til Lundúna. Hér sérðu hvernig brottfarir og heimferðir, til og frá London, raðast frá morgni til kvölds.
Fimm flugfélög munu í allan vetur halda uppi flugsamgöngum milli Íslands og flugvallanna við höfuðborg Bretlands. Aldrei áður hefur samkeppni á einni flugleið frá Íslandi verið jafn mikil og til samanburðar má nefna að frá Óslóarflugvelli og Arlanda í Stokkhólmi bjóða þrjú flugfélög upp á áætlunarferðir til London en í Kaupmannahöfn eru félögin í Lundúnarfluginu fimm líkt og hér á landi.
Reyndar eru ferðirnar frá hinum flugvöllunum nokkru fleiri en frá Keflavíkurflugvelli eða um 20 á dag á meðan ferðirnar verða flestar 12 á dag frá Flugstöð Leifs Eiríkssonar. Vöxturinn hefur reyndar verið mjög hraður því í febrúar 2012, þegar aðeins Iceland Express og Icelandair flugu á þessari leið, voru ferðirnar að jafnaði 2,7 á dag en fimm árum síðar er meðaltalið 9,6. Flestar eru ferðirnar á fimmtudögum. 

Dreifist á fjóra breska flugvelli

Lengi vel létu forsvarsmenn Icelandair nægja að fljúga tvisvar sinnum á dag til Heathrow flugvallar en félagið bætti við ferðum til Gatwick flugvallar fyrir fjórum árum síðan. Þangað hefur WOW air einnig flogið allt frá því að félagið hóf starfsemi í sumarbyrjun 2012 en tveimur mánuðum fyrr fór easyJet jómfrúarflug sitt hingað frá Luton flugvelli sem einnig telst til Lundúna. Þetta stærsta lággjaldaflugfélag Bretlands hefur síðan stóraukið flug sitt hingað og bætt við ferðum frá flughöfnunum Gatwick og Stansted sem báðar eru í útjaðri Lundúna. British Airways slóst í hópinn síðastliðið haust með þremur ferðum á viku hingað frá Heathrow og frá og með lokum október munu vélar félagsins fljúga hingað daglega.
Í síðustu viku hófst svo sala á Lundúnarflugi Norwegian og notast félagið líka við Gatwick en sú flughöfn er orðin aðalsamgönguæðin fyrir Íslandsflug í Bretlandi. Flugu nærri 313 þúsund farþegar á milli Íslands og Gatwick í fyrra en um 240 þúsund til og frá Heathrow en þessi fjölfarnasta flughöfn Evrópu var fram til 2014 helsta miðstöðin fyrir flug til Íslands frá Bretlandseyjum.

Þau íslensku sitja ein að morgunfluginu

Umferðin milli Íslands og Lundúna hefst á hverjum morgni klukkan rétt rúmlega sex með fyrri ferð WOW air og á sama tíma leggja vélar Norwegian og easyJet í hann frá bresku höfuðborginni en yfir vetrarmánuðina er enginn munur á tímanum hér og á Bretlandseyjum. Rétt fyrir átta er komið að Icelandair og íslensku félögin eru því einn um morgunflugið héðan og á því verður ekki breyting nema erlendu félögin byrji að fljúga hingað að kveldi og láti svo þotur sínar standa við Leifsstöð yfir nótt til að geta flogið árla dags til Bretlands. Farþegar sem þurfa að vilja nýta daginn í útlöndum kjósa þá líklega að komast í loftið sem fyrst en þeim sem liggur minna á hafa úr meiru að moða eins og sjá má á stundaskránni hér fyrir neðan. Hún sýnir hvernig umferðin dreifist yfir daginn og vikuna og er miðað við áætlun flugfélaganna í lok febrúar en þá nær traffíkin í Lundúnarfluginu hámarki, m.a. vegna skólafría í Bretlandi. Ferðum easyJet, Icelandair og WOW fækkar ögn utan þessa háannatíma.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …