Samfélagsmiðlar

Óvissa með Íslandsflug næststærsta flugfélags Þýskalands

airberlin 860

Airberlin er í kröggum en fyrirtækið hefur stundað Íslandsflug um langt skeið og var umsvifamesta erlenda flugfélagið hér á landi í ágúst. Airberlin er í kröggum en fyrirtækið hefur stundað Íslandsflug um langt skeið og var umsvifamesta erlenda flugfélagið hér á landi í ágúst.
Sumarið 2006 fór Airberlin jómfrúarferð sína til Íslands og allar götur síðan hefur þetta annað stærsta flugfélag Þýskalands boðið upp á flug hingað frá nokkrum þýskum borgum frá vori og fram á haust. Síðastliðinn vetur bauð félagið svo í fyrsta skipti upp á vetrarferðir hingað frá Berlín og nýverið var tilkynnt um heilsársflug til Dusseldorf. Umsvif Airberlin hafa því aukist umtalsvert hér á landi síðustu misseri og síðasta mánuði lentu þotur félagsins að jafnaði þrisvar sinnum á dag á Keflavíkurflugvelli samkvæmt daglegum talningum Túrista. Ekkert annað erlent flugfélag stóð fyrir jafn tíðum ferðum hingað í ágúst. Auk þess býður dótturfélagið, FlyNiki, upp á þrjár brottfarir í viku til Íslands frá Vínarborg og má áætla að á bilinu 35 til 40 þúsund erlendir ferðamenn hafi nýtt sér áætlunarferðir félaganna tvegga til Íslands í sumar. 

Losa sig við 78 þotur

Rekstur Airberlin hefur hins vegar lengi gengið illa og í fyrra keyptu eigendur flugfélagsins Etihad, frá Sameinuðu arabísku fyrstadæmunum, stóran hlut í fyrirtækinu. Það virðist hins vegar ekki hafa dugað því í fyrradag tilkynntu stjórnendur Airberlin að flugfloti félagsins yrði helmingaður og stöðugildum fækkað um tólf hundruð. Í framhaldinu er ætlunin að Airberlin einbeiti sér að flugi frá aðeins Berlín og Dusseldorf og sinni eingöngu ábatasömum flugleiðum og langferðum eins og það er orðað í tilkynningu. Talsmaður Airberlin gat hins vegar ekki nú í morgun gefið Túrista svör um hvort flugið til Íslands frá Munchen og Hamborg myndi leggjast af í framhaldinu eða hvort breytingar yrðu á áætluninni frá Berlín og Dusseldorf. En líkt og áður segir þá er vetrarflug frá síðarnefndu borgunum til Íslands á dagskrá Airberlin í allan vetur. 

Tækifæri fyrir Icelandair og WOW

Þessi mikli niðurskurður hjá Airberlin er í erlendu ferðapressunni talinn verða til þess að lággjaldaflugfélög eins og Ryanair, easyJet og Eurowings muni auka umsvif sín á þýska markaðnum. Það síðarnefnda er í eigu Lufthansa, stærsta flugfélags Þýskalands, og mun fyrirtækið taka yfir tugi flugvéla frá Airberlin í kjölfar niðurskurðarins. Eurowings flýgur hingað til lands frá 5 þýskum borgum en aðeins yfir sumarmánuðina en á því gæti orðið breyting ef samdrátturinn hjá Airberlin nær einnig til Íslandsferðanna. Bæði Icelandair og WOW air eru einnig stórtæki í flugi milli Íslands og Þýskalands og forsvarsmenn félaganna gætu séð tækifæri í tíðari ferðum fari Airberlin út af íslenska markaðnum næsta sumar þegar hið gjörbreytta Airberlin fer í loftið.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …