Samfélagsmiðlar

Flugrútan fer núna líka um Suðurland

flugrutan

Nú geta íbúar Suðurlands einnig skilið bílinn eftir heima á plani þegar þeir fara til útlanda. Ferðamenn sem vilja nýta sér almenningssamgöngur fá meira val. Nú geta íbúar Suðurlands einnig skilið bílinn eftir heima á plani þegar þeir fara til útlanda. Ferðamenn sem vilja nýta sér almenningssamgöngur fá meira val.
Hingað hefur Flugrútan keyrt milli Keflavíkurflugvallar og BSÍ og svo þaðan á hótel vítt og breitt um borgina. Nú bætast við áætlunarferðir út á Suðurland og stoppar rútan í Hveragerði, á Selfossi, Hellu og Hvolsvelli og yfir sumartímann fer hún alla leið til Víkur í Mýrdal. Farþegar á leið til og frá Keflavíkurflugvelli skipta um rútu á BSí og í boði verða tvær ferðir á dag, klukkan 8:45 og sex síðdegis. Þeir sem eru á leiðinni frá Suðurlandi geta tekið rútu frá Hvolsvelli korter yfir ellefu að morgni og eitt eftir miðnætti og tæpum þremur tímum síðar er keyrt upp að Leifsstöð.
Samkvæmt tilkynningu frá Kynnisferðum, sem reka Flugrútuna, þá ætti þessi nýjung að vera mikil lyftistöng fyrir ferðaþjónustuna á Suðurlandi. Rútumiði, báðar leiðir, kostar 9 þúsund ef farið er til eða frá Hveragerði og Selfoss en 13 þúsund fyrir þá sem eru á leið frá Hellu og Hvolsvelli.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …